16 sterftes, 274 nuwe gevalle

Die Covid-sterftes styg met 16 tot 3 158. Rundu het die meeste aangeteken en wel sewe, gevolg deur Katima Mulilo met vier, Usakos twee en Okahandja, Oshikuku en Tsandi met een elk. Agt was tuissterftes - vier in Katima Mulilo, drie in Rundu en een in Tsandi. Nie een van die sterfgevalle was ingeënt nie.
Gister is 274 nuwe gevalle aangeteken, 'n positiewe koers van 16%. Erongo het die meeste en wel 23,4%, gevolg deur Khomas met 16%. Onder die gevalle is 38 leerlinge, vyf onderwysers, ses studente en tien gesondheidswerkers. Vyf van die gevalle het een dosis entstof ontvang, terwyl een ten volle ingeënt is.
Erongo region reported the highest number of
Die aktiewe gevalle staan op 18 948 waarvan 359 in die hospitaal en 68 in die ICU is. Tot op hede het 171 499 mense een dosis entstof ontvang, terwyl 51 828 ten volle ingeënt is. Die herstelkoers staan op 82%.