16 Dae van aktivisme teen geslagsgeweld skop af
Tanja Bause – Saterdag was die internasionale dag van die uitskakeling van geweld teen vroue en die begin van 16 dae van aktivisme tee geslagsgeweld. In Windhoek is ook 'n optog deur die koalisie teen geslag- en seksuele geweld gereël om die dag te herdenk en om die jeug te inspireer om nie seksueel aktief te wees en om hulle skoolloopbaan te voltooi. Die optog het ook beoog om druk op die regering uit te oefen om veilige leerplekke vir veral tienermoeders te skep.
Die 16 dae veldtog is 'n internasionale gebeurtenis wat daarop gemik is om bewustheid oor die voorkoming van geweld teen vroue en meisies te versprei. Die veldtog begin elke jaar op 25 November en eindig 16 dae later op internasionale menseregte dag.
“In 2016 het statistieke getoon dat tienerswangerskap die hoof rede was dat 22 000 meisies die skool verlaat het. Volgens die United Nations Population Fund (UNFPA) word amper 130 meisies onder die ouderdom van 18 daagliks swanger in Namibië,” het me. Alna Dall die organiseerder van die optog en die stigter van die koalisie gesê.
Volgens haar is menstruasie nog 'n faktoor wat die ontwikkeling van jong meisies belemmer. Volgens die Oxygen Foundation bly een uit tien meisies vir vier tot vyf dae elke maand weens menstruasie uit die skool.
“Die voorsiening van sanitêredoekies en opleiding in menstruasie higiëne sal die meisies in skool hou. Die hoof rede hoekom die meisies uit die skool wegbly is die gebrek aan geld om sanitêredoekies te kan koop,” het Dall gesê.
“Ons doen 'n oproep aan die regering om herbruikbare sanitêredoekies aan alle meisies in regerings skole verniet te voorsien.”
'n Petisie is aan die permanente sekretaris van onderwys me. Sanet Steenkamp oorhandig. Volgens haar is haar ministerie en die ministerie van gesondheid en sosiale dienste tans besig om die kwaliteit van herbruikbare sanitêredoekies te ondersoek.
“Ons het onlangs goedkeuring van die ministerie van gesondheid en sosiale dienste ontvang en hulle is gereed om die sanitêredoekies te versprei,” het Steenkamp gesê.
Die 16 dae veldtog is 'n internasionale gebeurtenis wat daarop gemik is om bewustheid oor die voorkoming van geweld teen vroue en meisies te versprei. Die veldtog begin elke jaar op 25 November en eindig 16 dae later op internasionale menseregte dag.
“In 2016 het statistieke getoon dat tienerswangerskap die hoof rede was dat 22 000 meisies die skool verlaat het. Volgens die United Nations Population Fund (UNFPA) word amper 130 meisies onder die ouderdom van 18 daagliks swanger in Namibië,” het me. Alna Dall die organiseerder van die optog en die stigter van die koalisie gesê.
Volgens haar is menstruasie nog 'n faktoor wat die ontwikkeling van jong meisies belemmer. Volgens die Oxygen Foundation bly een uit tien meisies vir vier tot vyf dae elke maand weens menstruasie uit die skool.
“Die voorsiening van sanitêredoekies en opleiding in menstruasie higiëne sal die meisies in skool hou. Die hoof rede hoekom die meisies uit die skool wegbly is die gebrek aan geld om sanitêredoekies te kan koop,” het Dall gesê.
“Ons doen 'n oproep aan die regering om herbruikbare sanitêredoekies aan alle meisies in regerings skole verniet te voorsien.”
'n Petisie is aan die permanente sekretaris van onderwys me. Sanet Steenkamp oorhandig. Volgens haar is haar ministerie en die ministerie van gesondheid en sosiale dienste tans besig om die kwaliteit van herbruikbare sanitêredoekies te ondersoek.
“Ons het onlangs goedkeuring van die ministerie van gesondheid en sosiale dienste ontvang en hulle is gereed om die sanitêredoekies te versprei,” het Steenkamp gesê.
Kommentaar
Republikein
Geen kommentaar is op hierdie artikel gelaat nie