15 vas oor renosterstropery

Twee verdagtes staatsamptenare

14 January 2020 | Misdaad
Francoise Steynberg



Altesaam 15 verdagtes is verlede week in verband met renosterstropery of pogings daartoe in hegtenis geneem.

Volgens die Namibiese polisie en die ministerie van die omgewing en toerisme se wildmisdaadverslag van 6 tot 12 Januarie is ses renosterhorings – vier in die Etosha Nasionale Park en twee op Katima Mulilo – gekonfiskeer.

Die Blue Rhino-taakspan het ook beslag op drie voertuie, twee vuurwapens en 17 patrone gelê.

Dié taakspan, onder leiding van komm. Barry de Klerk, bestaan uit beamptes van die Namibiese polisie, die ministerie van die omgewing en toerisme en die Namibiese weermag.

Volgens die woordvoerder van die ministerie van die omgewing en toerisme, mnr. Romeo Muyunda, is twee van die vermeende renosterstropers amptenare van die Oshakati-dorpsraad wat betrap is toe hulle glo besig was om die horings van twee gestroopte renosters te verwyder.

Hulle is mnre. Heimo Namweya en Seboron Shivolo, wat verlede Woensdag saam met mnre. Diogenus Shivute en Moses Ekandjo in Etosha in hegtenis geneem is.

Die vier staan ook tereg op 'n ou saak van sameswering om 'n renoster by Omuthiya in Oktober 2019 te stroop.

Twee dae later is mnre. Johannes Pinias en Samuel Matias ook in verband met die Etosha-stroperysaak in hegtenis geneem. Beslag is op vier renosterhorings, een voertuig, een .303-jaggeweer en ses patrone gelê.

Die sestal staan tereg op klagte van die onwettige jag van 'n spesiaal be­skermde spesie, die handel in renosterhorings, sameswering om 'n renoster te jag, die onwettige besit van wapens en ammunisie, die onwettige betreding van 'n nasionale park en die diefstal van renosterhorings.

Die sestal het reeds afsonderlik in die Tsumeb-landdroshof verskyn.

Vrydag is mnre. Lubbula Hendricks en Zambwe Matengu op Katima Mulilo glo met twee renosterhorings in hul besit in hegtenis geneem ná hulle dit aan geheime polisie wou verkwansel.

Beslag is op onder meer twee voertuie gelê.

Die twee verdagtes word van die ­onwettige handel in renosterhorings aangekla, asook van die oortreding van die wet op die voorkoming van georganiseerde misdaad (Poca).



ZAMBIëRS

Vrydag is vier Zambiërs, mnre. Makalo Meki, Junior Sililo, Inonox Sibela en Sheka Vitali op dieselfde dorp vasgetrek in verband met sameswering om 'n spesiaal beskermde spesie ('n renoster) te jag.

Een .308-jaggeweer en ses van sy patrone, asook ses patrone van 'n .375-geweer is gekonfiskeer.

Die verdagtes staan dus ook tereg op klagte van die onwettige besit van wapens en ammunisie.

Altesaam 18 wildmisdaadverdagtes is verlede week in hegtenis geneem en vyf nuwe klagte is aanhangig gemaak.

Drie uit die 18 vermeende wildmisdadigers is verdagtes in ou sake: Mnr. Sem Johannes is 'n verdagte in 'n saak van Julie 2019 wat by Okahao aanhangig gemaak is, en staan tereg op klagte van die onwettige betreding van 'n nasionale park en die onwettige besit van 'n vuurwapen.

Mnre. Herold Hangara en Tobias Murenga is onderskeidelik verlede Maandag en Woensdag by Epukiro Pos 3 in verband met 'n renos­terstroperysaak van Julie 2019 in ­hegtenis geneem. Hulle staan ook tereg op klagte van sameswering om 'n renoster te jag en die oortreding van die wet op wapens en ammunisie.



IETERMAGôVELLE

Mnre. Matheus Kaandala en Joseph Jermia is verlede Sondag op Ondan­gwa glo met 'n ietermagôvel in hul besit betrap.

Op Otjiwarongo is mnre. Eliaser Sem verlede Maandag glo met 'n ietermagôvel in hegtenis geneem.

Op dieselfde dorp is mnr. Mbayenovantu Katiti Donderdag in die landdroshof op borgtog van N$4 000 vrygelaat ná hy glo met ses stukke ivoor wou smokkel.

[email protected]

Soortgelyk

 

Covid-19: 5de nuwe geval binne 4 dae

17 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...