122 gevalle, vier sterftes

Die Covid-19-verwante sterftesyfer staan tans op 542 nadat nog vier sterftes - twee in Windhoek en een elk in onderskeidelik Rehoboth en Okahandja - aangemeld is. Vandag is 122 nuwe gevalle aangemeld waarvan 88 leerlinge is. Die aktiewe gevalle staan tans op 1 815 waarvan 135 in die hospitaal en 36 in die ICU is. Nog 283 mense het herstel wat die totaal op 42 641 te staan bring.

Tans word 4 195 kontakte gemonitor, 1 297 mense is in kwarantyn en die aantal mense wat reeds teen Covid-19 ingeënt is, wat op 2 094 bly, met geen immuniserings wat oor die langnaweek gedoen is nie.