1 700 poste in gedrang ná SAL weier om te betaal

Phumi Ramalepe – SA Airlink het ’n reuseverlies in November 2019 gely nadat die Suid-Afrikaanse Lugdiens sy deel van die inkomste van kaartjieverkope teruggehou het.Die private lugdiens SA Airlink het Dinsdag in die hooggeregshof in Johannesburg aangevoer hy het nog in September en Oktober onderskeidelik ’n wins van R84 miljoen en R50 miljoen getoon.SA Airlink voer aan die SAL skuld hom die inkomste wat einde 2019 uit kaartjieverkope verdien is.Die hofaansoek het getoon SA Airlink wil R700 miljoen van SAL eis. ’n Hofbevel word gesoek dat die SAL dit binne vyf dae betaal.Die SAL is vroeg in Desember in sakeredding geplaas.Les Matuson en Siviwe Dongwana, sakeredders, het voorheen gesê dié betrokke geld word as skuld hanteer wat aangegaan is voor die sakeredding begin het. Die sakeredders wil dit dus klassifiseer saam met ander skuld van die SAL wat aangegaan is voor die sakeredding en dit so hanteer.Adv. Rafik Bhana SC wat vir Airlink optree, sê egter die geld is inkomste uit kaartjies wat in November en Desember deur die SAL se besprekingstelsel verkoop is.Die SAL verdien kommissie op die kaartjieverkope.So not only did the ANC use R5,5billion tax money to bail out SAA in Dec & Jan but SAA apparently forced SA Airlink to bail them out to tune of R700mil by withholding SA Airlink ticket sales revenue. It is obscene that SAA cld bring down a successful airline thru its malfeasance— Alf Lees (@SquireLees) February 13, 2020Die hof het gehoor die inkomste is nie aan Airlink betaal nie omdat die geld in die SAL se bankrekening gedeponeer is.“Dit sal ondenkbaar wees as die SAL die geld vat en dit vir sy bedrywighede gebruik en dan aan Airlink sê: Ons skuld jou die geld en sal jou oor 30 dae of 90 dae betaal,” het Bhana aangevoer.“Dit is ondenkbaar, want dit is duidelik ’n oortreding van ooreenkomste . . . en dit is wat die sakereddingspraktisyns opportunisties hier wil doen.”Volgens hom loop SA Airlink nou die gevaar dat sy bedryfskapitaal voor die einde van die maand opdroog en dit kan 1 700 poste in gedrang bring.Airlink bedryf 55 roetes na 39 bestemmings in nege Afrika-lande. – Fin24/Netwerk24

1 700 poste in gedrang ná SAL weier om te betaal

Kommentaar

Republikein 2025-11-05

Meld asseblief aan om kommentaar te lewer

1 700 poste in gedrang ná SAL weier om te betaal

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.