1 518 nuwe gevalle, drie sterftes

Die Covid-sterftes styg met drie - twee in Oshakati, een in Windhoek - tot 1 164. Volgens die minister van gesondheid en maatskaplike dienste, dr. Kalumbi Shangula, is dié lae syfer bloot omdat die meeste van die gesondheidspersoneel by verskillende hospitale wat dié verslae voorberei, tydens naweke 'n breek neem. "Die werklikheid is dat ons steeds baie sterftes het en dit sal in die loop van die week bekendgemaak word." Gister is 1 518 nuwe gevalle aangemeld waarvan 927 in Windhoek (61%) en 17% in Erongo is. Onder die nuwe gevalle is 158 leerlinge van die St. Joseph Hoërskool in Khomas, 38 studente, 34 onderwysers en 33 gesondheidswerkers. Die positiewe koers is 40%. Uit al die bevestigde gevalle was slegs 17 (1%) ingeënt, meeste met die eerste dosis, terwyl een persoon twee dosisse Sinopharm ontvang het. Die aktiewe gevalle staan tans op 13 831 aktiewe gevalle, waarvan 504 in die hospitaal en 76 in die ICU is. Die herstelkoers daal tot 80% en 104 199 mense is teen Covid-19 ingeënt.Shangula het verwys na die doeltreffendheid van entstowwe en gesê indien die doeltreffendheid van AstraZeneca 76% is, beteken dit as jy 100 mense inent, sal 76 beskerm wees en 24 nie. "Onder die mense wat ingeënt is, sal daar steeds mense wees wat deur Covid geraak word selfs al is hulle ten volle ingeënt."Hy het ook verwys na vrae met verwysing na moontlike aansporings wat onlangs aangekondig is. Hy het ontken dit beteken mense wat ingeënt is, sal betaal word."Die moontlike aansporings is 'n voorstel deur sommige van ons rolspelers in die private sektor en nie van regeringskant nie. Die voorstel het ten doel om hoofsaaklik toegang tot immuniseringspunte te verbeter. Daar is egter nog geen konkrete voorstelle nie, maar die publiek sal ingelig word sodra die voorstel in werking tree," het hy gesê.

1 518 nuwe gevalle, drie sterftes

Kommentaar

Republikein 2025-12-16

Meld asseblief aan om kommentaar te lewer

1 518 nuwe gevalle, drie sterftes

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.