Te min personeel, geld vir medisyneraad

Prysbeheer 'n kopseer

06 December 2018 | Ministeries
font face="Verdana" >

Henriette Lamprecht - Die prys van medisyne in Namibië is ’n rede tot “groeiende kommer”.

In die lig hiervan moet die beheer van medisynepryse verskeie rolspelers betrek en moet die impak daarvan op die gesondheid- en ekonomiese sektore van die land in ag geneem word.

Dr. Augustinus /Gôagoseb, voorsitter van die vierde Namibiese Medisynebeheerraad (NMRC), sê in die raad se jaarverslag die koördinering van vereistes vir die beheer van medisyne in die Suider-Afrikaanse Ontwikkelingstreek (SADC) is die afgelope twee dekades reeds op die agenda.

“Baie meer moet nog gedoen word. Die sentrale aankoop van medisyne in die streek is in ’n stadium oorweeg en dit het die potensiaal om medisynepryse daadwerklik te verminder,” het /Gôagoseb gesê.

Volgens hom sal die saamgooi van hulpbronne en nouer samewerking tussen instellings van hoër onderrig, wat die Universiteit van Namibië (Unam) se aptekerskool en die Nasionale Kommissie vir Navorsing, Wetenskap en Tegnologie (NCRST) ver gaan om kapasiteit in die land te bou.

’n Moeilike finansiële jaar teen die agtergrond van “baie moeilike finansiële omstandighede” het ’n demper op die NMRC se handhawing van regulerende dienste vir medisyne geplaas.

/Gôagoseb sê erkenning moet gegee word aan die NMRC se sekretariaat, wat ná byna ’n jaar sonder ’n raad “meedoënloos die standaard van alle werksaamhede met kwynende finansiële hulpbronne” gehandhaaf het.

Van die doelwitte vir die toekoms is die wysiging van die NMRC se onafhanklikheid, wat dit in die kort termyn in ’n finansieel selfonderhoudende diens sal omskep.

Ook moet die wysiging van die raad as ’n direktoraat: medisynebeheerowerheid bespoedig word, waar die meeste van die NMRC-personeel bykomend tot personeel van die ministerie van gesondheid en maatskaplike dienste is.

Geen poste is met die huidige NMRC-struktuur beskikbaar nie en aktiwiteite kan volgens /Gôagoseb nie gestaak word nie.

Dit sal volgens hom ook help dat meer personeel gewerf kan word.

Voorts moet ’n rekening vir die NMRC geopen word om inkomste “in ’n ouditeerbare en verantwoordbare wyse” te verhoog en meer vaartbelyn te maak.

“Dit sal inspeksies en die evaluering van dossiere verbeter, wat op hul beurt meer inkomste sal voortbring,” het hy gesê.

Die verhoogde inkomste sal aangewend word om die agterstand uit te wis wat die afgelope paar jaar opgebou het.

Die uitspraak van die hooggeregshof oor die dispensering van medisyne deur mediese praktisyns het volgens /Gôagoseb gelei tot ’n toename in die aantal verspreidingspunte van medisyne wat aan die wet moet voldoen, en gevolglik geïnspekteer moet word.

“Dié funksie kan slegs uitgevoer word deur die beplande nuwe direktoraat, omdat die werwing van nuwe inspekteurs tans onmoontlik is danksy die afwesigheid van poste in die huidige struktuur.”

Volgens die jaarverslag het die NMRC se afdeling vir die registrasie van medisyne 207 aansoeke vir die registrasie van nuwe medisyne ontvang. ’n Totaal van 354 medisynes is deur die raad goedgekeur en gevolglik geregistreer. Hoewel die raad N$3,4 miljoen van kliënte vir verskeie dienste gelewer ontvang het (’n styging van 17%) is dit volgens die verslag nie ’n ware weerspieëling van dít wat die NMRC ingevorder het nie.

“Daar is steeds geen volledige beskrywing van alle fooie betaalbaar aan die NMRC, wat in die Sentrale Bank se rekening inbetaal word en gevolglik na verskillende takke van die ministerie van gesondheid en maatskaplike dienste toegewys word nie,” lui die verslag.

Nóg ’n uitdaging is die nuwe prosedure vir die aankoop van items wat deel van die jaarlikse vrystelling is.

Die gebrek aan ’n bedryfsraamwerk met rekeningstate vir debiteure is ook ’n kopseer, omdat dit met die hand gedoen word.

Die NMRC-webtuiste wat nie werk nie, te min personeel en die stadige verspreiding van Medicine Watch is ook struikelblokke wat die suksesvolle bestuur van die raad volgens die verslag in die wiele ry.

Soortgelyk

 

Afrika-lied kom tuis in Namib

22 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

22 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

22 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

22 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

22 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

22 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

22 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

22 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

22 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...