PDM bekommerd oor toename in stakings, optogte
Die amptelike opposisieparty, die PDM, sê hy is bekommerd oor die toename in stakings en massa-optrede deur ontevrede werknemers in die land.
Dié party het ‘n beroep op werkgewers en die vakbonde gedoen om gereeld met werknemers te vergader sodat teenproduktiewe aksies vermy kan word.
Mnr. Manuel Ngaringombe, die sekretaris-generaal, sê gereelde en geslaagde konsultasies en interaksie tussen werkgewers en werknemers kan stakings en massa-optrede voorkom. Dit kan ook verhoed dat mense hul werk verloor en produksie by ondernemings in die slag bly.
Hy sê in ‘n verklaring die PDM is bekommerd daaroor dat werkgewers in die huidige ekonomiese klimaat so gefokus is op produktiwiteit in die besigheid dat hulle maklik vergeet dieselfde uitdagings geld ook hul werknemers.
“Ons doen ‘n beroep op beide partye om terwyl hulle aandag skenk aan die winste en mense se werksbevrediging, ook kennis te neem van die brandende werkplek-kwessies,” sê hy.
Dié party het ‘n beroep op werkgewers en die vakbonde gedoen om gereeld met werknemers te vergader sodat teenproduktiewe aksies vermy kan word.
Mnr. Manuel Ngaringombe, die sekretaris-generaal, sê gereelde en geslaagde konsultasies en interaksie tussen werkgewers en werknemers kan stakings en massa-optrede voorkom. Dit kan ook verhoed dat mense hul werk verloor en produksie by ondernemings in die slag bly.
Hy sê in ‘n verklaring die PDM is bekommerd daaroor dat werkgewers in die huidige ekonomiese klimaat so gefokus is op produktiwiteit in die besigheid dat hulle maklik vergeet dieselfde uitdagings geld ook hul werknemers.
“Ons doen ‘n beroep op beide partye om terwyl hulle aandag skenk aan die winste en mense se werksbevrediging, ook kennis te neem van die brandende werkplek-kwessies,” sê hy.
Kommentaar
Republikein
Geen kommentaar is op hierdie artikel gelaat nie