Oudpres. George Bush sr. sterf

George Bush sr. (94) se kantoor het vroeg Saterdag Suid-Afrikaanse tyd aangekondig dat hy oorlede is.Dit volg sowat 8 maande na die dood van sy vrou, Barbara (92), na ’n huwelik van 73 jaar. Hy is ’n dag na haar begrafnis in April vanjaar vir ’n infeksie behandel.Bush was die 41ste president van Amerika en ook die pa van George W. Bush, ook ’n Amerikaanse president.Bush was ’n Republikein met ’n geskiedenis van meer as 40 jaar diens in die Amerikaanse openbare diens, met die hoogtepunt sy presidentskap tussen 1989 en 1993.Bush het aan Parkinson se siekte gely en hy het vir jare ’n gemotoriseerde rolstoel gebruik.CNN berig Bush is in Houston, Texas, oorlede.Hy was volgens berigte wat pas na sy dood begin verskyn het, in ’n lewe van voorreg gebore as die seun van ’n senator. Bush was ’n vereerde vegvlieënier in die Tweede Wêreldoorlog, ’n atleet in sy studentedae, oliemagnaat in Texas, Republikeinse lid van die kongres, voorsitter van dié party, en dan natuurlik ook president van die VSA nadat hy die Demokraat Michael Dukakis in die presidensiële verkiesing van 1988 geklop het by die stembusse.Nadat hy deur Bill Clinton opgevolg is, het die twee ’n ongekende vriendskap gehad weens hul agtergrond uit mededingende politieke partye.Bush kon nie ’n tweede termyn as Amerikaanse president dien nie.Behalwe vir sy naamgenoot seun, laat Bush ook sy seuns Jeb, Neil en Marvin en dogter Dorothy, asook 17 kleinkinders na.Hy sal langs sy geliefde vrou, Barbara, in Texas begrawe word.Daar is bespiegel dat hy in die vorige presidentsverkiesing nié vir die Republikein Donald Trump gestem het nie, maar wel vir Hillary Clinton.Op ligter noot was hy ook daarvoor bekend dat hy broccoli verbied het op die vlugte van die Amerikaanse presidensiële vliegtuig, Airforce One, omdat hy dié groente gehaat het.Happiest of birthdays to Barbara Pierce of Rye, NY. I'm still the luckiest guy in the world. pic.twitter.com/qsUHtyBIez— George Bush (@GeorgeHWBush) June 8, 2017Statement by President George W. Bush on the death of his father, President George H.W. Bush https://t.co/wDD0vnlN8U pic.twitter.com/t7UsDYSKY8— George W. Bush Presidential Center (@TheBushCenter) December 1, 2018America has lost a patriot and humble servant in George Herbert Walker Bush. While our hearts are heavy today, they are also filled with gratitude. Our thoughts are with the entire Bush family tonight – and all who were inspired by George and Barbara’s example. pic.twitter.com/g9OUPu2pjY— Barack Obama (@BarackObama) December 1, 2018 – Netwerk24

Oudpres. George Bush sr. sterf

Kommentaar

Republikein 2026-02-05

Meld asseblief aan om kommentaar te lewer

Oudpres. George Bush sr. sterf

Kommentaar

Republikein 2026-02-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.