Namibië se Ontplooiings- en Immuniseringsplan "onder die beste in die wêreld"

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van gesondheid en maatskaplike dienste, dr. Kalumbi Shangula, het die WHO gevolglik voorgestel dat dit as 'n voorbeeld gebruik word vir lande wat nog nie hul planne voltooi het nie.

Met verwysing na die verkryging van entstowwe sê Shangula buiten vir Covax is die Afrika Medisyne Verskaffingsplatform (AMSP) van die Afrika Unie ook vir entstowwe genader.