|Khomanin twis oor leierskap
Juliane Gawa!nas: Ek is hoof en basta
Maria Eiseb - “Ons wil nie deur haar gelei word nie. Op 19 Mei kies ons ’n nuwe opperhoof.”
So sê 'n omgekrapte groep van die |Khomanin oor me. Juliane Gawa!nas wat volgens hulle wederregtelik as waarnemende opperhoof dien.
“Die stam het vyf jaar lank gewag dat sy as die opperhoof ons opbou, maar sy het niks vir ons gedoen nie,“ het die woordvoerder van die groep, me. Rosa Namises, gesê.
Volgens haar is Gawa!nas deur haar pa en die vorige opperhoof, mnr. Josefat Gawa!nab, voor sy dood as opvolger aangestel.
“Dit moes nie so gewees het nie; óns moes die opvolger gekies het. Hulle moes nie bloedlynaanstellings gemaak het nie. Die gewoontereg van die |Khomanin laat dit nie toe nie,” het Namises gesê. “Volgens die opperwet van die |Khomanin moet die volk hul eie hoof kies.”
Ander lede van die ontevrede groep het gesê Gawa!nas gee nie voorkeur aan haar eie mense nie en “hardloop net agter die geld aan. Ons wil vooruitgaan, maar so kan dit nie aangaan nie,” het mnr. Hannes Jacobs gesê.
Me. Claudia Namises het gesê: “Al wat ons hoor, is dat sy die grond verkoop aan die mense wat geld het, en die |Khomanin het nie grond in hul streek nie. As jy nie grond het nie, is jy ’n arm mens.”
In reaksie op die aantygings het Gawa!nas gesê die regering stel nie waarnemende opperhoofde aan nie. “As ek net waargeneem het, sou ek ook ’n regeringsvoertuig gehad het?”
Ook is die opperwet en gewoontereg waarna die groep verwys, volgens haar nie meer van krag nie.
“As hulle iemand anders wil kies, moet hulle my eers afdank en dan ’n ander persoon aanwys. Hulle kan nie terwyl ek nog die septer swaai iemand anders wil kom indruk nie.
Ek gaan nie met hulle stry nie. Hulle moet genoeg bewyse kry om hul feite te steun.
“Dit sal die laaste keer wees dat dié geveg in die koerant gevoer word. Volgende keer moet hulle aan my prokureur antwoorde gee.”
Een van haar senior raadgewers, mnr. Josef Eiseb, het gesê Gawa!nas is verantwoordelik vir verskillende rasse en kan nie nét die Damara/Nama-mense se probleme aanhoor nie. “Sy is verantwoordelik vir die hele Khomasstreek en ’n leier vir die sentrale gebied. Daarom werk vir sy vir almal,” het Eiseb gesê.
So sê 'n omgekrapte groep van die |Khomanin oor me. Juliane Gawa!nas wat volgens hulle wederregtelik as waarnemende opperhoof dien.
“Die stam het vyf jaar lank gewag dat sy as die opperhoof ons opbou, maar sy het niks vir ons gedoen nie,“ het die woordvoerder van die groep, me. Rosa Namises, gesê.
Volgens haar is Gawa!nas deur haar pa en die vorige opperhoof, mnr. Josefat Gawa!nab, voor sy dood as opvolger aangestel.
“Dit moes nie so gewees het nie; óns moes die opvolger gekies het. Hulle moes nie bloedlynaanstellings gemaak het nie. Die gewoontereg van die |Khomanin laat dit nie toe nie,” het Namises gesê. “Volgens die opperwet van die |Khomanin moet die volk hul eie hoof kies.”
Ander lede van die ontevrede groep het gesê Gawa!nas gee nie voorkeur aan haar eie mense nie en “hardloop net agter die geld aan. Ons wil vooruitgaan, maar so kan dit nie aangaan nie,” het mnr. Hannes Jacobs gesê.
Me. Claudia Namises het gesê: “Al wat ons hoor, is dat sy die grond verkoop aan die mense wat geld het, en die |Khomanin het nie grond in hul streek nie. As jy nie grond het nie, is jy ’n arm mens.”
In reaksie op die aantygings het Gawa!nas gesê die regering stel nie waarnemende opperhoofde aan nie. “As ek net waargeneem het, sou ek ook ’n regeringsvoertuig gehad het?”
Ook is die opperwet en gewoontereg waarna die groep verwys, volgens haar nie meer van krag nie.
“As hulle iemand anders wil kies, moet hulle my eers afdank en dan ’n ander persoon aanwys. Hulle kan nie terwyl ek nog die septer swaai iemand anders wil kom indruk nie.
Ek gaan nie met hulle stry nie. Hulle moet genoeg bewyse kry om hul feite te steun.
“Dit sal die laaste keer wees dat dié geveg in die koerant gevoer word. Volgende keer moet hulle aan my prokureur antwoorde gee.”
Een van haar senior raadgewers, mnr. Josef Eiseb, het gesê Gawa!nas is verantwoordelik vir verskillende rasse en kan nie nét die Damara/Nama-mense se probleme aanhoor nie. “Sy is verantwoordelik vir die hele Khomasstreek en ’n leier vir die sentrale gebied. Daarom werk vir sy vir almal,” het Eiseb gesê.
Kommentaar
Republikein
Geen kommentaar is op hierdie artikel gelaat nie