||Kharas ontvang Covid-skenking

Elizabeth Joseph op Keetmanshoop – Die goewerneur van die ||Kharasstreek, me. Aletha Fredericks, het onlangs 800 ligemissiediode (LED)-gloeilampe en vier suurstofkonsentreerders ter waarde van meer as N$70 000 aan die ministerie van gesondheid en maatskaplike dienste oorhandig.Die skenking is deur Deep Sea Consolidated Investments, Namport en Future Energy CC moontlik gemaak.Me. Sandra !Owoses, die streek se gesondheidsdirekteur, het die skenking in ontvangs geneem en gesê sy aanvaar dit met oop hande, omdat dit op 'n tydstip kom wat die streek dit die nodigste het.“Gedurende hierdie moeilike tyd was die gemeenskap baie ondersteunend met gebedsessies, kos, drankies en selfs net bemoedigende woorde. Dit word opreg waardeer. Die privaat sektor het ook verskeie skenkings gemaak,” sy het gesê.Fredericks sê die pandemie het 'n ernstige impak op die land en elke gesin het 'n storie om te vertel oor hul ervaring. “Die totale aantal Covid-gevalle het tot meer as 6 000 gestyg, terwyl die totale Covid-verwante sterftesyfer tans 2,2% is en dit bly styg. In elke gesin het minstens een persoon al positief getoets; ons het almal 'n storie om te vertel,” sê sy. Die totale aantal toetse wat sedertdien gedoen is, het 'n totaal van 38 545 bereik en die streek het meer as 7 000 bevestigde gevalle wat 8,6% van die bevolking verteenwoordig. Gesamentlik is die herstelkoers tans 93,7% met 96 aktiewe gevalle en 184 sterftes.LYKSHUISELykshuise oraloor die land het tans te min ruimte om liggame te akkommodeer en sommige het slegs beperkte ruimte.Namport het 'n houer geskenk wat toegerus is om as 'n lykshuis te dien om dié nood te verlig. Me. Sophia Klaaste, 'n Future Energy-vennoot, sê hulle het gehoor gegee aan die beroep wat die ||Kharasstreek gemaak het en wou 'n bydrae lewer.“Ons hoop hierdie ligte sal help om die kamers op te helder waar mense om hul lewens veg. Future Energy sal nie ophou om die gemeenskap te ondersteun totdat ons hierdie pandemie oorwin het nie,” het sy gesê.– republikein@republikein.com.na

||Kharas ontvang Covid-skenking

Kommentaar

Republikein 2025-05-01

Meld asseblief aan om kommentaar te lewer

||Kharas ontvang Covid-skenking

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie