Huise in Havana kry krag

Tanja Bause - Kragvoorsiening aan die Havana- informele nedersetting uitbreiding 6 en 7 in die Samora Machel-kiesafdeling sal binnekort ’n realiteit word. Dit is deel van die Windhoek-munisipaliteit se poging om elektrisiteit aan individuele huishoudings te verskaf. Volgens die burgemeester, me. Fransina Kahungu, het huishoudings in die Tobian Hainyeko-, Moses //Garoeb- en Khomasdal-kiesafdeling al elektrisiteit ontvang. “Na verwagting sal die projek teen 15 Desember voltooi wees en van daardie dag af kan 134 huishoudings krag koop. Die totale projekkoste is N$2,6 miljoen,” het sy gesê. Volgens me. Aily Kalangula, wat al 12 jaar in Havana woon, sien sy baie uit om krag by haar huis te hê. “Ek is ’n student en moet altyd by iemand anders gaan leer wanneer ek my skootrekenaar wil gebruik. In die aande gebruik ek ’n kers om te lees en ons almal weet hoe gevaarlik dit is en hoeveel huise al afgebrand het weens ongelukke met kerse. Dit is alles binnekort iets van die verlede wanneer ons krag by ons huise het,” het sy gesê. Sy het gesê die projek sal die gemeenskap bemagtig en in staat stel om hul eie klein besighede te kan begin. “Ek kan nou ’n klein yskas koop om ysies te maak en verkoop en daardeur taxigeld verdien.” - tanja@republikein.com.na

Huise in Havana kry krag

Kommentaar

Republikein 2025-12-18

Meld asseblief aan om kommentaar te lewer

Huise in Havana kry krag

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.