/Gâses getuig in Avid-saak

Jacqueline Louw - Me. Inez /Gâses het gister weer voor regter Christie Liebenberg verskyn in die verhoor waarin sy en ses medebeskuldigdes van die wanbestuur van die Maatskaplike Voorsorgkommissie (SSC) se N$30 miljoen-belegging in Avid Investment Corporation beskuldig word./Gâses en haar medebeskuldigdes, mnre. Mathias Shiweda, Paulus Ilonga Kapia, Otniel Podewiltz, Ralph Blaauw, Nicolaas Cornelius Josea en me. Sharon Lynette Blaauw, se verdediging het Dinsdag in die hoërhof begin nadat hul aansoeke om ontslag verlede jaar deur regter Christie Liebenberg van die hand gewys is.Die Blaauws se regsverteenwoordiger, mnr. Gilroy Kasper, het /Gâses ondervra oor die bestuur van Avid Investment Corporation, ’n batebestuurmaatskappy wat deur wyle Lazarus Kandara gestig is. Kandara het homself voor die sentrale polisiekantoor in Windhoek op 24 Augustus 2005 geskiet, kort na sy inhegtenisneming in verband met die beweerde verduistering van die SSC se belegging. /Gâses het getuig dat sy en Kandara medeondertekenaars van die twee bankrekeninge van die maatskappy in November 2004 geword het. In Januarie 2005 is bestuurders van die SSC oortuig om N$30 miljoen deur Avid te belê. /Gâses was ’n medeondertekenaar van dokumente om die oordrag te magtig van N$30 miljoen wat van die SSC ontvang is, vanaf ’n rekening van Avid na ’n finansiële handelaar oor te dra. Die handelaar was veronderstel om die geld namens Avid te belê./Gâses het verder getuig dat sy die direkteure van Avid in kennis gestel het toe sy ontdek het dat net N$29.5 miljoen en nie die volle N$30 miljoen oorgedra is nie. Sy het na bewering vir Kandara gekonfronteer en hy het haar meegedeel dat die verskil van N$500 000 reeds by ’n finansiële handelaar, ene Alan Rosenberg, was./Gâses het verder gesê dat Kandara verantwoordelik was vir die daaglikse bedryf van Avid se sake. Sy het ook getuig oor ’n vergadering op 24 Januarie 2005 waar ’n lys van aandeelhouers bespreek is. Kasper het reisdokumente van Kandara aan haar voorgelê waaruit dit blyk dat hy op 16 Februarie daardie jaar na die buiteland gereis het en dus nie die vergadering kon bygewoon het nie.Getuienis oor ’n tjek van Avid aan Trip Travel deur /Gâses onderteken het aan die lig gebring dat geld bestee is voordat kommissie ingevorder is, ’n handeling wat teen die instruksies van Kandara was.Die staat beweer die beskuldigdes het vanaf 2004 tot 2005 die N$30 miljoen wat deur die SSC in Avid belê is, na ander rekeninge oorgeplaas. Sowat N$29,5 miljoen van die SSC se belegging was glo gekanaliseer na Namangol Investments, die batebestuursmaatskappy van Josea wat toe N$20 miljoen na mnr. Allan Rosenberg se bankrekening in Suid-Afrika oorgeplaas het.Nadat ’n hofbevel in Suid-Afrika teen Rosenberg uitgereik is om die geld terug te betaal, is bykans N$15 miljoen aan Josea terugbetaal. Dié geld is toe glo vinnig tussen ’n groot aantal begunstigdes verdeel.

/Gâses getuig in Avid-saak

Kommentaar

Republikein 2026-08-03

Meld asseblief aan om kommentaar te lewer

/Gâses getuig in Avid-saak

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.