Geingob neem môre oor

Netumbo gee terugvoering

16 August 2018 | Regering
Denver Kisting – Groot afwagting heers in Windhoek waar pres. Hage Geingob môre amptelik die voorsitterskap van die Suider-Afrikaanse Ontwikkelingsgemeenskap (SADC) gaan oorneem.

Geingob vervang die Suid-Afrikaanse staatshoof, pres. Cyril Ramaphosa.

Dít kom te midde van nuus dat die 38ste SADC-beraad, wat tans in die Namibiese hoofstad plaasvind, van die brandpunte in die streek wegskram.

Die Namibiese regering het laat verlede week by monde van me. Netumbo Nandi-Ndaitwah, die adjunkpremier en die minister van internasionale betrekkinge en samewerking, bevestig die krisis in Zimbabwe en die grondkwessie gaan nie onder die loep kom nie.

Nandi-Ndaitwah het die afgelope week in aanloop tot vandag se hoogtepunt die leisels as voorsitter van die SADC se raad van ministers oorgeneem.

Haar voorganger is haar Suid-Afrikaanse eweknie, dr. Lindiwe Sisulu.

Die aktivis en akademikus mnr. Job Amupanda sou gisteraand ’n lesing aanbied oor hoe Namibië se grondbeleid glo die pad byster geraak het sedert die eerste nasionale grondkonferensie in 1999.

Groot gewag word tans gemaak van die tweede grondkonferensie wat in Oktober vanjaar gaan plaasvind.

Tydens ’n kort nuuskonferensie laat Dinsdagmiddag het Nandi-Ndaitwah gesê die raad van ministers het die SADC-sekretariaat beveel om die proses te bespoedig wat bestaande reëlings rondom SADC-regs- en beleidsdokumente moet hervorm en die inwerkingstelling daarvan moet hanteer.

Sy het ook gesê die sekretariaat is gevra om teen volgende jaar ’n omvattende verslag in te dien oor hoe die streek vaar wat die implementering van strategiese doelwitte betref.

Dit sluit onder meer die inwerkingstelling van ’n streekkragkomitee, die monitering van geslagsgelykheid in die streek en die kwytskelding van visums in.

Die nuus oor die beraad se agenda, wat Zimbabwe en die grondkwessie uitsluit, kom as geen verrassing nie.

Ontleders met wie Republikein voor die beraad gesels het, was dit eens dat omstrede onderwerpe waarskynlik vermy sou word.

Prof. Nico Horn, akademikus aan die Universiteit van Namibië (Unam), het gesê ás moeilike sake ter sprake kom, sal dié gesprekke beslis nie in die openbaar geskied nie.

Volgens hom sukkel die SADC om afstand te doen van die opvatting dat dit slegs ’n vereniging van broederskap is.

Dr. Charles Mubita, ’n politieke ontleder, is van mening Geingob se sukses as SADC-voorsitter sal afhang van die mate waartoe hy sal kan beraadslaag.

Ook, sê Mubita, Geingob sal sy rol as voorsitter moet balanseer met sy verantwoordelikhede as Namibiese president.

Soortgelyk

 

Hepatitis E woed landswyd voort

13 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

13 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

13 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

13 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

13 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

13 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

13 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

13 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

13 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...