/Gaza: Namibiese animasierolprent met ’n boodskap
FNB het op 20 Oktober die vrystelling van /Gasa, ’n animasierolprent wat bewaringkwessies aanroer, aangebied.
Die animasie draai om die sentrale figuur, /Gasa, wat met ’n kennis van die aarde en ’n boodskap van die verlede vir die huidige geslag kom. /Gasa beteken “’n man wat hier vir ’n doel is”.
Mnr. Dixon Norval, uitvoerende beampte en trustee van die FNB Trust, het tydens sy toespraak gesê die fliek spreek tot die menslike natuur en die hart van menswees en simboliseer kulturele en omgewingsfaktore. Dit vestig die aandag op die skoonheid van ons land en die weerloosheid van die ekologie. Dit is ’n fliek vir die jonges en diegene wat jonk van gees is.
/Gasa se bewaringsboodskap weerklink regdeur Namibië soos hy gemeenskappe besoek en tradisionele stories deel.
Met /Gasa het die bekroonde Namibies gebore vervaardiger en regisseur Linda de Jager animasie gebruik om die avonture van ’n San-man en sy klein dierevriendjie, mnr. Gecko, te deel. Sy het in medewerking met die Kongolees gebore animasiekunstenaar Rickey Pascal (Freehand) Nzoni ’n wêreld geskep waar Namibië deur middel van animasie lewend word.
Die animasie het ontstaan omdat Linda graag ’n bydrae wou maak tot die gesprek van bewaring in Namibië en ’n stem wou gee aan iets wat haar diep raak, naamlik stroping en die onwettige handel in wildleweprodukte. Linda wou iets skep wat gemeenskappe in afgeleë gebiede kon raak wat weerloos staan teen kriminele sindikate wat hulle armoede uitbuit. Sy wou ’n ikoon skep in die San-karakter /Gasa met sy verbeeldingsmaatjie, mnr. Gecko, wat kinders roer en raak. Die doel was om kinders se verbeelding aan te gryp sodat hulle vrywilligers vir ’n saak sal word - en die intrinsieke waarde van wilde diere te eer en sodoende hopelik veg vir hulle voortbestaan.
Die 52 minute lange animasieprent is deur die FNB Trust en die Pupkewitz-stigting gefinansier en die vertaling is moontlik gemaak deur die Namibiese Rolprentkommissie. Vertaler Richard Shitua het hom knap van sy taak gekwyt om die animasie in vyf tale te vertaal. Air Namibia sal /Gasa aan boord van plaaslike en internasionale roetes in November en Desember vertoon.
Vertonings van /Gasa sal deur die Regshulpsentrum (LAC) se LEAD Wildlife Crime School Advocacy projek gefasiliteer word. Hierdie projek het reeds vertonings by skole gehou om die probleem van natuurlewe misdaad uit te wys. Die LAC span sal sy aaneenlopende veldtog opvolg deur /Gasa in skole in die Kunene- en Erongostreek asook in die Etosha Nasionale Park-gebied te vertoon en te bespreek. Dit vorm deel van sy bestaande opvoedingsinisiatief oor natuurlewe-misdaad en omgewingskwessies.
Op 5 en 6 Februarie 2016 sal die FNCC, in samewerking met AfricAvenir, die eerste Namibiese vertoning van /Gasa aanbied.
/Gasa is beskikbaar in ses tale: Engels, Nama/Damara, Rukwangali, Silozi, Kwanyama en Otjijherero.
Die animasie draai om die sentrale figuur, /Gasa, wat met ’n kennis van die aarde en ’n boodskap van die verlede vir die huidige geslag kom. /Gasa beteken “’n man wat hier vir ’n doel is”.
Mnr. Dixon Norval, uitvoerende beampte en trustee van die FNB Trust, het tydens sy toespraak gesê die fliek spreek tot die menslike natuur en die hart van menswees en simboliseer kulturele en omgewingsfaktore. Dit vestig die aandag op die skoonheid van ons land en die weerloosheid van die ekologie. Dit is ’n fliek vir die jonges en diegene wat jonk van gees is.
/Gasa se bewaringsboodskap weerklink regdeur Namibië soos hy gemeenskappe besoek en tradisionele stories deel.
Met /Gasa het die bekroonde Namibies gebore vervaardiger en regisseur Linda de Jager animasie gebruik om die avonture van ’n San-man en sy klein dierevriendjie, mnr. Gecko, te deel. Sy het in medewerking met die Kongolees gebore animasiekunstenaar Rickey Pascal (Freehand) Nzoni ’n wêreld geskep waar Namibië deur middel van animasie lewend word.
Die animasie het ontstaan omdat Linda graag ’n bydrae wou maak tot die gesprek van bewaring in Namibië en ’n stem wou gee aan iets wat haar diep raak, naamlik stroping en die onwettige handel in wildleweprodukte. Linda wou iets skep wat gemeenskappe in afgeleë gebiede kon raak wat weerloos staan teen kriminele sindikate wat hulle armoede uitbuit. Sy wou ’n ikoon skep in die San-karakter /Gasa met sy verbeeldingsmaatjie, mnr. Gecko, wat kinders roer en raak. Die doel was om kinders se verbeelding aan te gryp sodat hulle vrywilligers vir ’n saak sal word - en die intrinsieke waarde van wilde diere te eer en sodoende hopelik veg vir hulle voortbestaan.
Die 52 minute lange animasieprent is deur die FNB Trust en die Pupkewitz-stigting gefinansier en die vertaling is moontlik gemaak deur die Namibiese Rolprentkommissie. Vertaler Richard Shitua het hom knap van sy taak gekwyt om die animasie in vyf tale te vertaal. Air Namibia sal /Gasa aan boord van plaaslike en internasionale roetes in November en Desember vertoon.
Vertonings van /Gasa sal deur die Regshulpsentrum (LAC) se LEAD Wildlife Crime School Advocacy projek gefasiliteer word. Hierdie projek het reeds vertonings by skole gehou om die probleem van natuurlewe misdaad uit te wys. Die LAC span sal sy aaneenlopende veldtog opvolg deur /Gasa in skole in die Kunene- en Erongostreek asook in die Etosha Nasionale Park-gebied te vertoon en te bespreek. Dit vorm deel van sy bestaande opvoedingsinisiatief oor natuurlewe-misdaad en omgewingskwessies.
Op 5 en 6 Februarie 2016 sal die FNCC, in samewerking met AfricAvenir, die eerste Namibiese vertoning van /Gasa aanbied.
/Gasa is beskikbaar in ses tale: Engels, Nama/Damara, Rukwangali, Silozi, Kwanyama en Otjijherero.
Kommentaar
Republikein
Geen kommentaar is op hierdie artikel gelaat nie