Burgemeester trakteer bejaardes

Tanja Bause – Die jaarlikse Kersete wat die burgemeester van Windhoek vir bejaardes aanbied, het gister plaasgevind. Aanvanklik is 15 bejaardes van elke kiesafdeling genooi wat altesaam 150 mense sou wees, maar meer as 400 bejaardes het by die munisipale kantoor in Windhoek byeengekom. Die burgemeester, mnr. Job Amupanda, het die mense toegespreek en die versekering gegee elke bejaarde sal met ’n glimlag huis toe gaan.“Ek het my mense gestuur om nog kos te gaan koop en ek gee julle die versekering almal wat hier teenwoordig is, sal met ’n pakkie huis toe gaan. As julle nie vandag ’n pakkie kry nie sal julle naam en adres neergeskryf word en ons sal die pakkie by jou huis aflewer.”Hy het ook gesê dit is die laaste keer dat die bejaardes na die munisipaliteit se kantoor moet kom.“Ek weet dit was in die verlede so gedoen, maar nie weer nie. Volgende jaar gaan ons na julle toe kom. Ons sal bejaardes in elke kiesafdeling besoek. Daar is ook net 15 mense uit elke kiesafdeling genooi, dit is glo omdat dit die getal is wat die lokaal kan akkommodeer en dus sê ek ons gaan na die kiesafdelings, na die mense en dan speel die getal nie ’n rol nie,” het hy gesê.- tanja@republikein.com.naFOTO’SSowat 400 bejaardes van vyf kiesafdelings in Windhoek was gister deel van die jaarlikse burgemeester Kersfeesete. Foto Tanja BauseProfessor Mburumba Kerina en burgemeester Job Amupanda tydens die burgemeester se Kersfeesete vir bejaardes. Foto Tanja Bause

Burgemeester trakteer bejaardes

Kommentaar

Republikein 2025-12-16

Meld asseblief aan om kommentaar te lewer

Burgemeester trakteer bejaardes

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.