Böhlke verskuif grense

Die Namibiese skilder Barbara Böhlke stel haar solo-uitstalling, Shifiting Horizons, bekend. Hierdie uitstalling sal op 15 Februarie om 18:00 by die StArt Art-galery open.Shifiting Horizons sal Böhlke se vyfde solo-uitstalling wees en bestaan uit groot en klein skilderye wat met natuurlike pigmente soos Otjize (bekend onder die Ovahimbas as ’n mengsel van vet en oker) en houtskool geskep is. Böhlke sê dis ’n uitdaging om met Otjize te werk in vergelyking met meer konvensionele verf."Die pigmente lyk onvoorspelbaar en weerstaan enige skildertegniek waarmee ek gemaklik is. Om die intensiteit waarna ek streef, te bereik, word die pigmente in baie lae met droë sponse aangewend. "Wanneer ek Otjize gebruik, voel dit of ek met tasbare, 'regte' materiaal werk. Dit het 'n ander visuele gehalte as dié van konvensionele verf soos olie of akriel."Shifting Horizons sal tot 8 Maart by die StArt Art-galery voortduur. Die StArt Art-galery is van Dinsdae tot Saterdae van 16:00 tot 19:00 oop.Almal is welkom en toegang is gratis. Verversings sal by die opening bedien word en ná die tyd kan The Wolfshack, wat reg langs die galery is, vir ekstra drankies en kos besoek word.

Böhlke verskuif grense

Kommentaar

Republikein 2025-11-05

Meld asseblief aan om kommentaar te lewer

Böhlke verskuif grense

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.