Taxi-pryse word beraadslaag
Die vereniging beplan om vandag oor taxi- en buspryse in Namibië samesprekings te voer.
Augetto Graig – Die minister van werke en vervoer, mnr. John Mutorwa, dring aan dat net die vervoerraad wetlik die pryse vir taxi- en busritte kan verander. Sy reaksie volg op ’n aankondiging van die Namibiese Bus- en Taxivereniging (Nabta) laas week, dat pryse op 1 November met 15% sal vermeerder, om soos tydens die ergste deel van die Covid-19 pandemie N$14 per rit in die hoofstad te kos.
Nabta se sekretaris-generaal, mnr. Pendapala Nakathingo, sê private openbare vervoereienaars en -operateurs mag vra wat hulle wil per rit en het niemand se toestemming nodig nie, terwyl die minister sê ’n verklaring sal uitgereik word om die wetlike situasie uit te stippel.
“Ons het die mandaat en het reeds die ministerie ingelig,” sê Nakathingo.
Mutorwa het erken dat hy laas Vrydag ’n brief in die verband ontvang het. Daarin is die bedryf se verteenwoordigers se pleidooi dat die prys van brandstof, kos, alkohol en ander goedere verdubbel het, terwyl bus- en taxidienste lank sonder ’n prysverhoging voortgaan.
Nog erger is die toepassing van verkeerde pryse en die tekort aan ’n nasionale gids vir openbare vervoertariewe, kla hy. Om die rede beplan die vereniging vandag (28 Oktober) ’n konferensie om pryse landswyd aan te pas. Daarmee sal enige stryery tussen bus- en taxidrywers en passasiers in die kiem gesmoor word, reken hy.
Vier lede per streek word genooi om die konferensie by te woon – twee namens taxi-operateurs en twee namens busdrywers en -eienaars, veral in die langafstandvervoerbedryf.
Nakathingo self ontvang die aansoeke vir afgevaardiges. “Ons stel ’n nuwe stelsel in plek, om die lewenstandaard van ons lede te verbeter en passassiers reg in te lig,” sê hy.
Nabta verteenwoordig ’n bedryf wat spesifiek deur die Wet op Padvervoer, nr. 74 van 1977, beheer word en waarvolgens die goedkeuring van prysverhogings slegs deur die Padvervoerraad gedoen kan word.
Die ministerie het voorheen aangedring dat enige prysverhoging net met die goedkeuring van die raad en aanvaarding deur die ministerie moet geskied.
Nabta soek dieselfde verhoging wat die Padvervoerraad en sy voorsitter, mnr. Browny Mutrifa, vanaf Mei tot September toegestaan het. Mutrifa sê egter die raad het steeds geen aansoek vir die nuutste voorgestelde verhoging ontvang nie.
Op die vraag of dit nog moontlik sou wees vir die raad om ’n prysverhoging goed te keur wat teen 1 November in werking tree, sê hy: “Ons is in Windhoek en deur middel van virtuele vergaderings sou ons kon antwoord, afhangend van die meriete en die motivering in die aansoek,” sê hy.
“Ons het nog geen aansoek ontvang nie, so ons wag maar om die aansoek en die meriete daarin te sien,” sê hy.
Nakathingo het gister gesê Nabta sal seker maak die betrokke inligting kom onder die raad se aandag. Hy bevestig dat die vereniging die wet gehoorsaam en die ministerie se insette in ag neem.
– [email protected]
Nabta se sekretaris-generaal, mnr. Pendapala Nakathingo, sê private openbare vervoereienaars en -operateurs mag vra wat hulle wil per rit en het niemand se toestemming nodig nie, terwyl die minister sê ’n verklaring sal uitgereik word om die wetlike situasie uit te stippel.
“Ons het die mandaat en het reeds die ministerie ingelig,” sê Nakathingo.
Mutorwa het erken dat hy laas Vrydag ’n brief in die verband ontvang het. Daarin is die bedryf se verteenwoordigers se pleidooi dat die prys van brandstof, kos, alkohol en ander goedere verdubbel het, terwyl bus- en taxidienste lank sonder ’n prysverhoging voortgaan.
Nog erger is die toepassing van verkeerde pryse en die tekort aan ’n nasionale gids vir openbare vervoertariewe, kla hy. Om die rede beplan die vereniging vandag (28 Oktober) ’n konferensie om pryse landswyd aan te pas. Daarmee sal enige stryery tussen bus- en taxidrywers en passasiers in die kiem gesmoor word, reken hy.
Vier lede per streek word genooi om die konferensie by te woon – twee namens taxi-operateurs en twee namens busdrywers en -eienaars, veral in die langafstandvervoerbedryf.
Nakathingo self ontvang die aansoeke vir afgevaardiges. “Ons stel ’n nuwe stelsel in plek, om die lewenstandaard van ons lede te verbeter en passassiers reg in te lig,” sê hy.
Nabta verteenwoordig ’n bedryf wat spesifiek deur die Wet op Padvervoer, nr. 74 van 1977, beheer word en waarvolgens die goedkeuring van prysverhogings slegs deur die Padvervoerraad gedoen kan word.
Die ministerie het voorheen aangedring dat enige prysverhoging net met die goedkeuring van die raad en aanvaarding deur die ministerie moet geskied.
Nabta soek dieselfde verhoging wat die Padvervoerraad en sy voorsitter, mnr. Browny Mutrifa, vanaf Mei tot September toegestaan het. Mutrifa sê egter die raad het steeds geen aansoek vir die nuutste voorgestelde verhoging ontvang nie.
Op die vraag of dit nog moontlik sou wees vir die raad om ’n prysverhoging goed te keur wat teen 1 November in werking tree, sê hy: “Ons is in Windhoek en deur middel van virtuele vergaderings sou ons kon antwoord, afhangend van die meriete en die motivering in die aansoek,” sê hy.
“Ons het nog geen aansoek ontvang nie, so ons wag maar om die aansoek en die meriete daarin te sien,” sê hy.
Nakathingo het gister gesê Nabta sal seker maak die betrokke inligting kom onder die raad se aandag. Hy bevestig dat die vereniging die wet gehoorsaam en die ministerie se insette in ag neem.
– [email protected]
Kommentaar
Republikein
Geen kommentaar is op hierdie artikel gelaat nie