Staatsbegrafnis vir Shixwameni die naweek op Rundu

'n Staatsbegrafnis vir wyle Ignatius Shixwameni word Saterdag by die Sarasungu-begraafplaas op Rundu gehou. 'n Gedenkdiens vir Shixwameni wat op 10 November dood is, vind Vrydag in die stadium op die dorp plaas. Beide dienste sal regstreeks op die ministerie van inligting en kommunikasietegnologie se Facebookblad uitgesaai word. Shixwameni was onder meer die stigterslid en later president van die Namibiese Nasionale Studente-organisasie (Nanso) en lid van Swapo se sentrale komitee. Hy was ook die stigter en president van die All People's Party (APP) tot en met sy dood.