SSC skenk suurstofmasjien
Gesondheidsminister noem derde Covid-golf verwoestend te dank ale skenkers
Augetto Graig – Die Maatskaplike Voorsorgkommissie (SSC) het 'n suurstofkonsentreerder ter waarde van N$2,8 miljoen aan die regering geskenk.
Die minister van gesondheid en maatskaplike dienste, dr. Kalumbi Shangula, en die uitvoerende direkteur, mnr. Ben Nangombe, het die suurstofkonsentreerder wat 370 liter suurstof per minuut lewer, Donderdag in ontvangs geneem.
Kommissaris Kyllikki Sihlahla het namens die SSC die oorhandiging by die Windhoek Sentrale Hospitaal behartig. African Gas Solutions het die masjien binne 'n vraghouer by die hospitaal ingerig.
Volgens Sihlahla is die skenking gedoen in reaksie op die kritieke tekort aan mediese suurstof te midde van die derde Covid-19-golf in Namibië.
Sy sê selfs nadat hierdie erge uitbreking onder beheer gebring word, kan die masjien steeds jare daarna mense se lewens red indien dit goed onderhou word.
Mnr. Loïc Bathfield van African Gas Solutions sê sy maatskappy het aangebied om vir die eerste jaar die onderhoud op die masjien te doen, as hul bydrae tot die nasionale stryd teen die pandemie.
Die maatskappy bestaan al ses jaar en het reeds soortgelyke masjiene by 12 privaat hospitale landswyd ingerig, sê hy.
Shangula sê die derde golf, wat drie weke gelede begin het, is verwoestend in terme van die aantal infeksies en sterftes.
By talle hospitale is die druk en aanvraag vir suurstof kritiek, sê hy.
GASSILINDERS
Shangula sê die vroeëre skenking van 21 ton suurstof van die Namibiese Kamer van Koophandel (NCCI) word in die grootmaat-suurstoftenk by die Katutura-hospitaal gestoor en is ook in gassilinders landswyd versprei.
“Verskaffers worstel om in die aanvraag te voldoen. Ek aanvaar hierdie ruim aanbod,” het hy gesê.
Hy sê die masjien is aan die Covid-ICU-eenheid en die hoësorgafdeling gekoppel.
“Die nuwe masjien werk goed, die drukvlakke is reg en die suiwerheid is goed,” sê die minister oor die suurstofkonsentreerder.
Die waarnemende mediese superintendent van die Windhoek Sentrale Hospitaal, dr. Farid Zam, het namens die hospitaal se personeel gesê hulle vier elke pasiënt wat ontslaan word en huis toe kan gaan. “Hierdie virus teiken die respiratoriese stelsel wat suurstof aan die liggaam verskaf. Slagoffers versmoor letterlik en vele sterf 'n afgryslike dood.
“Die aantal pasiënte neem steeds toe en ons gewone sale word in Covid-sale omskep.
“Die behandeling moet hand aan hand met die verskaffing van suurstof geskied en die skenking kom dus op die regte tyd ,” sê hy.– [email protected]
Die minister van gesondheid en maatskaplike dienste, dr. Kalumbi Shangula, en die uitvoerende direkteur, mnr. Ben Nangombe, het die suurstofkonsentreerder wat 370 liter suurstof per minuut lewer, Donderdag in ontvangs geneem.
Kommissaris Kyllikki Sihlahla het namens die SSC die oorhandiging by die Windhoek Sentrale Hospitaal behartig. African Gas Solutions het die masjien binne 'n vraghouer by die hospitaal ingerig.
Volgens Sihlahla is die skenking gedoen in reaksie op die kritieke tekort aan mediese suurstof te midde van die derde Covid-19-golf in Namibië.
Sy sê selfs nadat hierdie erge uitbreking onder beheer gebring word, kan die masjien steeds jare daarna mense se lewens red indien dit goed onderhou word.
Mnr. Loïc Bathfield van African Gas Solutions sê sy maatskappy het aangebied om vir die eerste jaar die onderhoud op die masjien te doen, as hul bydrae tot die nasionale stryd teen die pandemie.
Die maatskappy bestaan al ses jaar en het reeds soortgelyke masjiene by 12 privaat hospitale landswyd ingerig, sê hy.
Shangula sê die derde golf, wat drie weke gelede begin het, is verwoestend in terme van die aantal infeksies en sterftes.
By talle hospitale is die druk en aanvraag vir suurstof kritiek, sê hy.
GASSILINDERS
Shangula sê die vroeëre skenking van 21 ton suurstof van die Namibiese Kamer van Koophandel (NCCI) word in die grootmaat-suurstoftenk by die Katutura-hospitaal gestoor en is ook in gassilinders landswyd versprei.
“Verskaffers worstel om in die aanvraag te voldoen. Ek aanvaar hierdie ruim aanbod,” het hy gesê.
Hy sê die masjien is aan die Covid-ICU-eenheid en die hoësorgafdeling gekoppel.
“Die nuwe masjien werk goed, die drukvlakke is reg en die suiwerheid is goed,” sê die minister oor die suurstofkonsentreerder.
Die waarnemende mediese superintendent van die Windhoek Sentrale Hospitaal, dr. Farid Zam, het namens die hospitaal se personeel gesê hulle vier elke pasiënt wat ontslaan word en huis toe kan gaan. “Hierdie virus teiken die respiratoriese stelsel wat suurstof aan die liggaam verskaf. Slagoffers versmoor letterlik en vele sterf 'n afgryslike dood.
“Die aantal pasiënte neem steeds toe en ons gewone sale word in Covid-sale omskep.
“Die behandeling moet hand aan hand met die verskaffing van suurstof geskied en die skenking kom dus op die regte tyd ,” sê hy.– [email protected]
Kommentaar
Republikein
Geen kommentaar is op hierdie artikel gelaat nie