SSC: Grondtransaksie steeds onder die loep

Ogone Tlhange – Die Teenkorrupsiekommissie (ACC) se ondersoek na ’n twyfelagtige grondtransaksie van die Maatskaplike Voorsorgkommissie gaan voort.Dié ondersoek sou volgens plan teen Desember verlede jaar afgehandel wees. Die transaksie wat ondersoek word, is vir die aankoop van erf 8451 in 2016 waarvoor die kommissie N$14 miljoen te veel betaal het.The Namibian het in 2017 berig 'n ouditverslag van BDO het dít bevestig.Die betrokke grond is teen N$32 miljoen by mnr. Ambrosius Tierspoor gekoop. Tierspoor het die grond by mnr. Llewellyn Anthony teen N$16 miljoen gekoop en kon in die proses N$7 miljoen in die sak steek. Me. Josefina Nghituwamata, ACC-woordvoerder, het gesê die ondersoek is nog nie afgehandel nie.“Die ondersoek gaan voort. Daar is dus tans nie baie inligting beskikbaar nie,” het sy gesê. Mnr. Milka Mungunda, die SSC in Namibië se uitvoerende hoof, was nie vir kommentaar beskikbaar nie, en mnr. Leon Jooste, minister van staatsondernemings, het gesê hy is nog nie oor die ondersoek ingelig nie. Sy ministerie het die saak ondersoek en dit aan die ACC vir verdere ondersoek oorhandig. Volgens die BDO-verslag het die kommissie te veel vir die grond betaal. “Ons het opgemerk die kommissie het te veel vir erf 8451 betaal, omdat N$8,9 miljoen meer betaal is as die waarde van die grond soos bepaal deur die waardeerders wat deur die verkoper (Tierspoor) aangestel is,” lui die BDO-verslag. BDO het ook bevind die waardasie van erf 8451 is vir 'n derde party gedoen, in dié geval Tierspoor, en nie vir die kommissie nie.“Ons het ook die betrokkenheid van ‘n middelman in die transaksie geïdentifiseer en die oortreding van die SSC se beleggingsbeleid," het die ondersoekers bevind.Die ouditeurs het ook bevind die SSC het nie gerespekteerde waardeerders aangestel nie.“Die kommissielede moet die kommissie se bates beskerm en sakebesluite neem wat in die kommissie se beste belang is," lui hul verslag.Volgens die BDO se verslag moet die SSC 'n lys van geakkrediteerde eiendomswaardeerders hê om op staat te kan maak wanneer die agentskap eiendom in ooreenstemming met sy beleggingsbeleid aanskaf.Die SSC beoog om sy nuwe hoofkantoor op twee stadserwe van gesamentlik 3 000 vierkante meter te bou.

SSC: Grondtransaksie steeds onder die loep

Kommentaar

Republikein 2025-05-13

Meld asseblief aan om kommentaar te lewer

SSC: Grondtransaksie steeds onder die loep

Kommentaar

Republikein 2025-05-13

Meld asseblief aan om kommentaar te lewer

MELD AAN

Advertensie