Okahandja se water lol weer

Denver Kisting – Die uitvoerende hoof van die Okahandja-munisipaliteit, me. Martha Mutilifa, het die afgelope week erken die tuindorp gaan opnuut gebuk onder waterprobleme.Dít kom ondanks die feit dat daar drie kwarantyngeriewe op Okahandja opgerig is waar mense wat moontlik aan Covid-19 blootgestel kon gewees het, vir nagenoeg twee weke op ’n slag gehuisves word tot hulle negatief vir die virus toets.Mutilifa het dié week by navraag toegegee “sommige gedeeltes van die dorp” was die afgelope dae sonder water.Sy het die toedrag van sake toegeskryf aan pype wat bly bars.Volgens haar is twee liggings Saterdag geraak, terwyl twee liggings ook Sondag en een Maandag sonder water moes klaarkom.’n Volgende ligging is Dinsdag getref. “Hulle is almal herstel. Ons is baie besorg en verbind daartoe om die coronavirus te bestry.”Sy het Woensdagaand aangevoer die “water is onder beheer”.’n Inwoner van Okahandja het dié week kommer uitgespreek oor die watersituasie op die dorp en die gesondheidsgevare wat dit inhou.AgtergrondTydens ’n besoek aan die tuindorp in Maart vanjaar het die frustrasies hoog geloop nadat groot gedeeltes van die dorp in daardie stadium reeds byna ’n week sonder water was.Selfs skole en ouetehuise moes toe sonder ’n druppel lopende water klaarkom.Inwoners meen die binnegevegte by die munisipaliteit – veral binne die regerende party Swapo – lê vooruitgang en ontwikkeling lam.Mnr. Pesella Nunda, wat toe in Mutilifa se plek waargeneem het terwyl sy geskors was, het sy hande vol gehad.Nunda het self erken hy is bekommerd oor Okahandja se toekoms. “Hier is ’n aantal liggings wat sonder water is. Ons het baie hoë druk in die pype wat die pype laat bars.”Hy het toegegee dit bring gesondheidsuitdagings mee. “Daar is kommer oor gesondheid wat higiëne betref.”Nunda het toe gesê hulle sukkel om die pype te herstel omdat hulle nie op Okahandja materiaal daarvoor kon kry nie.- denver@republikein.com.na

Okahandja se water lol weer

Kommentaar

Republikein 2026-07-23

Meld asseblief aan om kommentaar te lewer

Okahandja se water lol weer

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.