Nghiwete kap terug

Mathias Haufiku Die geskorste uitvoerende hoof van die Finansiële Hulpfonds vir Namibiese Studente (NSFAF), me. Hilya Nghiwete, het die fonds se direksie daarvan beskuldig dat hulle haar dissiplinêre verhoor “primitief” gekaap en haar afgedank het voordat die proses afgehandel is.Mnr. Clement Daniels is destyds deur NSFAF gekies om die verhoor te lei, maar sy ampstermyn is kortgeknip ná die direksie se “skielike” ingryping.Volgens Nghiwete se hofstukke wat verlede Vrydag ingedien is, het die raad die dissiplinêre proses “onregmatig, onregverdig en onreëlmatig gekaap”.“Dit blyk die voorsitter [Daniels] van die verhoor is nooit die geleentheid gegun om oor die kwessie te besluit nie, aangesien die appellant se raad van direkteure op 6 en 7 Februarie 2020 die dissiplinêre verhoor, sonder kennisgewing aan die voorsitter, gestuit het. Die raad het sy magte onregmatig uitgeoefen.”Volgens Nghiwete het die direksie vroeër erken sy is afgedank sonder dat enige aanklagte aan haar bedien is.Sy het verder aangevoer NSFAF het sy maatskappysekretaris, mnr. Fillemon Wise Immanuel, as die koördineerder van die dissiplinêre aangeleentheid aangestel, ondanks die feit dat daar onenigheid tussen hom en Nghiwete was. Ten spyte van die arbiter se opdrag dat sy in haar amp heraangestel moet word, het NSFAF al sy hulpbronne ingespan om te verseker dat Nghiwete nie terugkeer nie.ONVERSOENBAARDie NSFAF het gesê sy beeld en reputasie het aansienlik verbeter en die aantal klagtes van die publiek het merkwaardig afgeneem sedert Nghiwete die trekpas gekry is.Die fonds beweer ook die verhouding tussen die instelling en die geskorste hoof kan nie gered word nie, en om dié rede moet sy nie haar pligte hervat nie.Nghiwete het egter dié bewering betwis en gesê die direksie het nie bewyse of haar verhouding met die NSFAF verbrokkel het of nie.“Die waarnemende uitvoerende hoof, mnr. [Kennedy] Kandume, en die maatskappysekretaris (Immanuel) se bewyse is irrelevant en onbetroubaar in daardie aspek, veral in die lig van die feit dat die waarnemende hoof tans by die voortgesette afwesigheid van die eerste respondent baat; terwyl die maatskappysekretaris duidelik bevooroordeeld teen die eerste respondent is,” lui Nghiwete se hofstukke.In sy hoofbetoë vir ‘n appèl teen die arbiter se bevel dat Nghiwete in haar amp herstel moet word en sowat N$3 miljoen aan haar terugbetaal moet word, het NSFAF gesê sy het meer as N$4 miljoen ontvang terwyl sy geen dienste aan die fonds gelewer het nie, wat die instelling in ‘n benarde finansiële posisie plaas.Nghiwete het NSFAF se aantygings weerlê en bygevoeg die fonds “hou eenvoudig nie van die die arbiter se besluit nie”. “Die hof hoef egter nie die appellant se verleidelike versoek om genade te oorweeg nie. Dit blyk, op grond van ‘n verkeerde wanopvatting, of dit billike oorwegings is wat saak maak. Die hof – met respek gesê – mag net die wet toepas, nie billikheid nie,” het sy gesê.VOLDOENDE GRONDEDie NSFAF het intussen gesê daar is voldoende gronde om die dissiplinêre verhoor, wat Nghiwete versuim het om by te woon, op te skort en haar heeltemal te af te dank.Hierdie gronde sluit in die feit dat sy – sonder om die instansie in te lig – vir drie maande afgeboek was vir ‘n siekte waarna bloot as “psigopatologies” verwys is, maar tog na Finland gereis het vir persoonlike sake.Dit is nie duidelik waarom Nghiwete medies geskik was om met private sake aan te gaan, maar nie geskik was om aan ‘n dissiplinêre verhoor deel te neem nie, het die fonds gesê.Sy het glo ook geweier om ‘n dokter te sien wat die NSFAF aanbeveel het nadat bevind is haar siekverlofsertifikaat was “heeltemal onvoldoende en het geen verduideliking verskaf vir haar toestand of haar vermoë of onvermoë om aan die dissiplinêre verhoor deel te neem nie”.Daar is ook sprake dat die direksie wou hê Nghiwete moes vir psigiatriese evaluering gaan. - republikein@republikein.com.na

Nghiwete kap terug

Kommentaar

Republikein 2026-02-23

Meld asseblief aan om kommentaar te lewer

Nghiwete kap terug

Kommentaar

Republikein 2026-02-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.