Nege vermeende dwelmhandelaars vas
Misdaad
Francoise Steynberg
Die Namibiese polisie het agt vermeende daggasmokkelaars by twee verskillende padblokkades by Gobabis vasgetrek.
Volgens die Namibiese polisie se woordvoerder, adj.komm. Kauna Shikwambi, is ses mans Donderdag omstreeks 15:00 by die Epako-padblokkade in hegtenis geneem.
Altesaam 19 kg dagga ter waarde van N$930 000 is glo in hul besit gevind.
Twee mans is sowat 'n halfuur later by die Transkalahari-padblokkade tydens 'n polisiesoektog in hegtenis geneem.
“Dertien sakke dagga ter waarde van N$674 000 is by hulle gevind," het die woordvoerder gesê.
Volgens Shikwambi is 'n saak van onwettige handel in kokaïen Vrydag op Swakopmund aanhangig gemaak.
“'n 25-jarige man is omstreeks 21:00 met 35 gram kokaïenpoeier ter waarde van N$17 500 tydens 'n polisieoperasie in die Tamariskia-woonbuurt in hegtenis geneem,” het Shikwambi gesê.
– [email protected]
Die Namibiese polisie het agt vermeende daggasmokkelaars by twee verskillende padblokkades by Gobabis vasgetrek.
Volgens die Namibiese polisie se woordvoerder, adj.komm. Kauna Shikwambi, is ses mans Donderdag omstreeks 15:00 by die Epako-padblokkade in hegtenis geneem.
Altesaam 19 kg dagga ter waarde van N$930 000 is glo in hul besit gevind.
Twee mans is sowat 'n halfuur later by die Transkalahari-padblokkade tydens 'n polisiesoektog in hegtenis geneem.
“Dertien sakke dagga ter waarde van N$674 000 is by hulle gevind," het die woordvoerder gesê.
Volgens Shikwambi is 'n saak van onwettige handel in kokaïen Vrydag op Swakopmund aanhangig gemaak.
“'n 25-jarige man is omstreeks 21:00 met 35 gram kokaïenpoeier ter waarde van N$17 500 tydens 'n polisieoperasie in die Tamariskia-woonbuurt in hegtenis geneem,” het Shikwambi gesê.
– [email protected]
Kommentaar
Republikein
Geen kommentaar is op hierdie artikel gelaat nie