Nege sterftes, 98 nuwe gevalle

Die Covid-sterftes styg met nege op tot 3 324. Twee was tuissterftes en een geval het een dosis entstof ontvang. Gister is 98 nuwe gevalle aangemeld, 'n positiewe koers van 6,3%. Onder die 98 nuwe gevalle is 46 leerlinge, drie onderwysers en een gesondheidswerker. Die meeste gevalle is in Omaheke (25%), gevolg deur //Kharas met 24%. Vier (4%) het 'n eerste dosis entstof ontvang, terwyl twee (2%) ten volle ingeënt is.
Die aktiewe gevalle staan tans op 2 143 waarvan 210 in die hospitaal en 41 in die ICU is. Tot op hede het 200 119 mense een dosis entstof ontvang, terwyl 95 904 ten volle ingeënt is. Die herstelkoers staan op 96%.