Minister van verdediging bedank ná gesprek by Staatshuis

Die minister van verdediging en veteranesake, skout-admiraal Peter Vilho (regs op die foto), het sy bedanking ingedien ná hy vandag by Staatshuis aan president Hage Geingob en visepresident Nangolo Mbumba 'n bankrekening in sy naam in Hong Kong moes verduidelik.
In sy bedankingsbrief na aanleiding van 'n vergadering met die president en visepresident het die agbare minister die staatshoof meegedeel dat sy die voortgesette lidmaatskap van die uitvoerende gesag "onhoudbaar" is in die lig van die “deurlopende media-aanval” wat op hom gerig is, en dat die “baie belangrike werk van die regering, veral op die gebied van verdediging" daardeur beïnvloed word, sê Staatshuis.