Mediavryheid word bedreig

Kristien KrugerJoernaliste in Namibië het in ’n klagskrif hul misnoeë teen die misbruik van die media deur die land se verkose amptenare te kenne gegee.Volgens die klagskrif eis hulle mediavryheid sodat hulle sonder beperking die publiek kan ingelig hou. Die Internasionale Federasie van Joernaliste (IFJ) het Dinsdag in ’n mediaverklaring gesê hulle ondersteun die joernaliste se klagskrif.“Joernaliste moet in openbare belang kan optree sonder om ingeperk te word,” het die verklaring gesê.Die IFJ se Afrika-kantoor werk glo tans saam met Namibiese joernaliste om ’n nuwe vakbond te stig om mediavryheid en joernaliste se regte te beveg. AgtergrondDie klagskrif volg ná ’n voorval by Staatshuis die afgelope naweek tydens die Covid-19-inligtingsessie. Ná pres. Hage Geingob se toepraak was geleentheid vir die media gegee om vrae te vra. Namibia Press Agency (Nampa)-joernalis, mnr. Edward Mumbuu, het hiertydens vir Geingob gevra of hy ’n onverwante vraag mag vra.Met Geingob se toestemming het Mumbuu hom onder andere gevra of hy van plan is om homself van sy prokureur, mnr. Sisa Namandje, te distansieer as gevolg van sy betrokkenheid by die Fishrot-skandaal.Geingob het glo nie die vrae beantwoord nie en het Mumbuu beskuldig dat hy die fokus van die konferensie wil verskuif.Ná die voorval het ’n WhatsApp-gesprek tussen Nampa-bestuur die ronde gedoen waarin die bestuur sê dat die vrae alleenlik van Mumbuu afgekom het en hy dit nie met hulle voorafbespreek het nie. In die boodskappe word ook gesê dat Mumbuu ’n ernstige waarskuwing sal ontvang.KLAGSKRIFVolgens die klagskrif bewys dié voorval hoe media in staatsbesit beheer word deur politici om hulle persoonlike agendas te bevorder en joernaliste se regte en vryheid te onderdruk.Die Redakteursforum van Namibië (EFN) se voorsitter, Frank Steffen, het gesê daar was niks verkeerd met die vrae wat Mumbuu gevra het nie. “Hy is eenvoudig ’n joernalis op soek na antwoorde,” het hy gesê.Die voorval by Staatshuis is glo net een van vele gevalle waar joernaliste deur owerhede onderdruk word en dit is ’n verskynsel wat aan die groei is en gestop moet word.“Dit gaan teen die media se mandaat – om ’n stem vir die stemlose te wees. Die media verteenwoordig belastingbetalers - nie politici nie,” stel die klagskrif.Aangesien Namibië mediavryheid ondersteun, eis die klagskrif daar moet ’n atmosfeer geskep word waar joernaliste onafhanklik, ongesensor en vrylik mag funksioneer.BESTUUR SE ROLDie klagskrif beskuldig die bestuursliggame van mediahuise dat hulle na owerhede se pype dans en nie hul personeel ondersteun nie.“Dit is die bestuur se plig om hulle personeel te beskerm. Media en joernaliste moet die kritici wees. Dit is ons werk om die moeilike vrae te vra. Om in lusteloosheid gedompel te wees, belemmer demokrasie,” lui die klagskrif.Die IFJ se algemene sekretaris, mnr. Anthony Bellanger, het gesê: “Mediabestuur moet ook, saam met joernaliste, aandring op die reg om namens die publiek die moeilike vrae te vra.” “Ons as joernaliste bevorder demokratiese waardes deur debatte te voer, kwessies aan te spreek en aksies te bevraagteken. Baie korrupsieskandale sou voortgaan as dit nie vir die media was nie. Ons word gedryf deur die behoefte aan kommunikasie en om die Namibiese publiek ingelig te hou. Deur ons te weerhou om die nodige vrae te vra, belemmer hulle alle vordering tot ’n vrye Namibië en ons sal nie toekyk hoe dit gebeur nie,” lui die klagskrif. – kristien@republikein.com.na

Mediavryheid word bedreig

Kommentaar

Republikein 2026-07-17

Meld asseblief aan om kommentaar te lewer

Mediavryheid word bedreig

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.