LPM stel kandidate bekend

Kristien Kruger Die Landless People’s Movement (LPM) het gister hul kandidate in die Khomasstreek vir die plaaslike owerheid- en streeksraadverkiesing van November aangekondig.Die LPM sal in 41 kiesafdelings meeding, waarvan nege in die Khomasstreek, asook in 39 plaaslike owerhede. Hulle ding ook mee vir die plaaslike owerheid van die Windhoek-munisipaliteit (CoW).Dié party se agendapunte vir die verkiesing is onmiddellike grondverskaffing aan stedelike haweloses, die onteiening van vakante stedelike grond en die beëindiging van korrupte grondtransaksies deur raadslede.Die LPM beoog om ’n stop te sit aan die uitsetting van grondlose armes en veelvuldige grondbesit en om die verskaffing van grond en laekostebehuising te bespoedig.Volgens die bedryfsekretaris van die LPM, mnr. Edson Isaacks, sal ’n radikale program in werking gestel word om hul mense te bevry van grondloosheid, armoede, hongersnood en werkloosheid.AGGRESSIEWE GEDRAGDie leiers van die Landless People’s Movement (LPM), mnre. Bernadus Swartbooi en Henny Seibeb, was in Julie vanjaar van onaanvaarbare gedrag in die Nasionale Vergadering (NV) beskuldig.Hulle het na bewering kommentaar in die NV geskree en onvanpaste taal gebruik.“Mense beskuldig ons dat ons ’n aggressiewe party is. Ja, ons is aggressief en ons het rede om te wees. Ons is aggressief besig om onder meer haweloosheid, korrupsie, selfverryking, elitisme, nepotisme en rassisme te beveg,” het Isaacks gesê.– kristien@republikein.com.na

LPM stel kandidate bekend

Kommentaar

Republikein 2025-12-18

Meld asseblief aan om kommentaar te lewer

LPM stel kandidate bekend

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.