Lirieke van liefde en geloof

Night Under the Stars (NUTS) vind Vrydag 6 Maart om 19:00 by die Goethe-instituut plaas. Die aand skop af met ‘n optrede van Nasim, ‘n sielvolle Namibiese musikant wat ‘n multikulturele agtergrond vier en inspirasie uit voormalige ervarings put. “My musiek word beïnvloed deur voormalige ervarings en my grootwordjare in Namibië. Van my taalgebruik tot dít wat ek op skool en universitiet in die land ervaar het. Net Namibiërs sal van my liedjies verstaan,” sê Nasim, wat van Ethiopiese en Jordaniese afkoms is. Sy sê met meer as een kulturele invloed is dit moeilik om haar musiek slegs onder een genre te klassifiseer. “Ek gebruik die amptelike taal van Ethiopië, Ahmaric, in een van my liedjies, en ek hoop om dit verder te neem,” sê sy. Wanneer sy gevra word oor haar inspirasie vir die temas van haar liedjies, het sy net een antwoord: “My geloof is my inspirasie. Ek is ‘n lid van die Baha'i-geloof, die jongste van die nege grootste geloofsgroepe in die wêreld. Dit bevorder eenheid en diversiteit, gelykheid onder mans en vroue, en diens aan ander.”Die lirieke in haar musiek kom uit ‘n plek van pyn en geluk wat baie vorms aanneem: liefde, individualisme, eenheid en selfaanvaarding. Sy het al musiek vir plaaslike kunstenaars soos die NAMA-wenner Doris neergepen, en ‘n verhoog met Sean K, Ashwyn Mberi, Mel Mweri en Kalactive gedeel. Nasim sal op die verhoog deur Ali, hoofsaaklik op kitaar, Ray op die sleutelbord en bas, en Emmanuel op die kitaar en djembe-trom vergesel word. “Hulle gaan rondskuif, afhangend van die liedjie. Ek het ook my pragtige agtergrondsangers, Tangeni en Vitore,” sê sy, en voeg by die proses om ‘n liedjie te skryf en vervaardig hang hoofsaaklik van die mense rondom haar af. Nasim verduidelik dit gebeur meestal spontaan. “Ek en my vriende speel soms saam, en daaruit kom iets wonderlik, of my hart loop oor met idees wat ek doodeenvoudig moét neerpen en lewe met die snare van my kitaar gee,” sê sy. Sy raai musikante aan om nooit ander mense se idees of gedagtes te gebruik nie, want dit “doen afbreek aan jou kreatiwiteit”.“Dié opvoering van NUTS gaan baie van my nuwe materiaal bevat.” Nasim sê sy wou nog altyd musiek vervaardig wat mense gelukkig maak en vir iemand ‘n lig in die donker kan wees. Die ingangsfooi is N$20 en verversings sal beskikbaar wees. Besoek www.goethe.de/namibia of besoek hul Facebook-blad, Goethe-Institut-Namibia vir meer inligting.

Lirieke van liefde en geloof

Kommentaar

Republikein 2025-05-16

Meld asseblief aan om kommentaar te lewer

Lirieke van liefde en geloof

Kommentaar

Republikein 2025-05-16

Meld asseblief aan om kommentaar te lewer

MELD AAN

Advertensie