Leef en laat leef

HENRY BEUKES VAN REHOBOTH SKRYF:Daar kan seker nie verwag word dat daar iets goed uit Rehoboth kan kom nie, maar as ek so kyk na “die mense” en hul redenasies, dan kan ek nie anders as om snaaks te kry dat geleerdes hulself so in die voet kan skiet nie.Kom ons begin by nasiebou.30 jaar van vryheidstryd. 30 jaar van vryheid. Nou Covid-19.Onsekerheid, vrees, magteloosheid, rigtingloosheid en alle soort dinge wat ek al in Chistenskap gesien het in die sekulêre land van ons vol alle soorte vryhede.Lyk ook nie asof daar enige verbetering is nie.Hoekom? Seker maar soos gesê is: Hoe meer dinge verander, hoe meer bly dit dieselfde.Rêrig? Is dit al waartoe ons in staat is? Is ons gebreinspoel?As ek kyk na ons nuwe parlement en wat daar aangaan, blyk dit asof ons nog volgens die ou stelsels dink. Eers was dit apartheid, toe was dit apartheid, en nog steeds is dit apartheid.Ek is ’n gereedskapstuk.Ek werk met gereedskap. Ek koop elkeen met ’n doel. Elkeen het ’n funksie en elkeen is belangrik.As ek ’n president was, met sy mag, sou ek my landsburgers as my bate gesien het. Met hul verskillende vermoëns en waarvoor hul uitverkore is, sou ek ’n plan beraam het om hulle aan te wend tot hul eie voordeel eerste en tot voordeel van die land in die geheel.Ongelukkig werk leiers nie, hul dink teoreties en praat van dinge wat hulleself nie weet hoe om te doen nie.Dit kan dalk help as hulle by mense kom leer wat werk vir oorlewing en nie net ontvangers van gunste wil wees nie.Leer van die wêreld. Niemand kan in isolasie lewe nie.Die wiel wat julle nou probeer uitvind, is alreeds meer as 2 000 jaar in gebruik!Die beste model is, leef en laat leef.Bou samewerking. Bou aan opvoeding. Nie net skoolgaan sonder resultate en gedurig bakhand vir staatsbeurse en ander gunste staan nie.Word resultate-gedrewe. Wys wat jy gedoen het gister en bou vandag daarop.Steeds net politiek? Die navolging van voorvaders wat nooit, nooit weer sal nodig hê om te “suffer” nie?Nee tog! Laat ons aanbeweeg.One Namibia, One Nation? Ons is baie nasies en die baie nasies het baie foute gemaak. Een daarvan is die Basters. Ek is dalk iemand anders se fout, maar ek maak nie ’n fout met my lewe nie. Ek is lewend en ek kan dink en werk.Hierdie land is so verdeel en het so min leiers van eenheid dat sukkel ons voorland sal bly - mits ons besin.Sekulêr? Ek gee nie om nie. Ek glo in God en Sy Woord sê ’n koninkryk wat verdeel is, sal nie bly staan nie. Ook: as jy net jou broer groet, watter goed doen jy?God het nie sy woord aan ons gegee sodat Hy voordeel daaruit kan trek nie. Ons trek voordeel die voordeel deur Hom te verheerlik en sy voorskrifte te onderhou.My beskeie raad aan die jong parlementariërs: Wyk af van ou leerstellings van politiek, van verskil en verdeel. Word verenig in jul baie beskeie roeping om Afrika en Namibië na beter tye te lei.Maak vrede met mekaar en begin nuut.Die bevrydingstryd was een fase. Die bestuur van die oorwinning was tot nou 'n proses.Dinge soos Covid-19 is maar net ’n toets. Net soos droogte.Die finansiële krisis is selfgemaak. Ongelyke verdeling van bronne is selfgemaak en daarom ook armoede.Mense is geleer om op iemand anders se rug te ry; in hierdie geval die regering. Laat mense leer om vir hulself te sorg. Daar sal nog baie behoeftiges kom en dan sal die behoeftes meer as die inkomste word.Om te lei, is nie ’n maklike taak nie. Dis ’n werk van dien en ander akkommodeer.Ongelukkig, voel ek, dienaars van mense vereis te veel eer.Mag julle versterk word deur wysheid.

Leef en laat leef

Kommentaar

Republikein 2026-07-27

Meld asseblief aan om kommentaar te lewer

Leef en laat leef

Kommentaar

Republikein 2026-07-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.