Lag Saam vir 29 Maart

Van HermanH, uit Clean Laffs: 'n Nuwe opname het bevind 46% van dokters het al van Google of Yahoo gebruik gemaak om hul pasiënte se simptome te diagnoseer. Ek kan dit goed glo. Laas keer toe ek by die dokter was, het hy gesê: “Ek is jammer om dit vir jou te sê, maar jy ly aan SNR – server not responding.” – Jimmy Fallon * * * Ná jare waarin hy gewonder het hoekom hy nie soos sy jonger suster of broer lyk nie, het 'n jongman uiteindelik die moed bymekaar geskraap om sy ma te vra of hy 'n aangenome kind was. “Ja, jy was, Seun,” sê sy ma en begin snik, “maar dit het nie gewerk nie en hulle het jou teruggebring . . .” * * * 'n Valskermspringer het 'n video laat oplaai van hoe hy uit 'n vliegtuig spring en 'n Rubik-kubus gedurende vryval oplos. En om te bewys dat hy dit reggekry het, was die begrafnis oopkis. – Seth Meyers ~~~~~~~~~~~~~~~~~ Van RonaldR: * Ek voel so misrabel sonder jou; dis amper so erg soos wanneer jy hier is. – Stephen Bishop * Partykeer het ek iets nodig wat net jy kan voorsien: jou afwesigheid. – Ashleigh Brilliant * Hy is een van daardie mense wat grootliks deur sy dood sou verbeter. – H. H. Munro, skrywer onder pseudoniem Saki ~~~~~~~~~~~~~~~~~~~Van HendrikW: John Glenn, die eerste Amerikaanse ruimtevaarder wat buite die aarde se atmosfeer was, is eenmaal gevra watter gedagtes, vermoedelik diepgaande en skerpsinnig, deur sy kop geflits het net voor die geskiedkundige vlug. “Ek het om my gekyk en skielik besef dat alles om my gebou is deur kontrakteurs wat die laagste getender het,” het hy gesê. * * * Van HermanH, uit Clean Laffs: “Britse wetenskaplikes wil nou mensselle met dié van hase kombineer. Hul doel is om mense met gelukbringervoetjies te maak. – Jay Leno

Lag Saam vir 29 Maart

Kommentaar

Republikein 2025-08-05

Meld asseblief aan om kommentaar te lewer

Lag Saam vir 29 Maart

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie