Lag Saam

Van HermanH:Tydens die Amerikaanse Dankseggingsfees word tradisionele kalkoen gaargemaak. Daar is selfs ’n inbellyn daarvoor.Die goeie mense by Butterball het sedert 1981 'n tolvrye inbellyn vir kalkoenkookwenke. Elke jaar ontvang die kalkoengeselslyn meer as 100 000 foonoproepe, maar ongelukkig kon hulle nog nie een keer ’n kalkoen se lewe red nie. - Stephen Colbert • • •Uit ons argief, 'n paar ouetehuisgrappies:Twee omies sit op die bankie voor die ouetehuis, en skielik stap daar die mooiste, sexyste jong dingetjie voor hulle verby. Hulle kyk haar doodstil agterna, en toe sê die een oom: “Koos, onthou jy nog die blouvitrioel wat hulle ons ingegee het toe ons in die army was?” “Ja, natuurlik Piet,” antwoord die ander oom.“Maar wat laat jou nou daaraan dink?” Oom Koos sê: “Ek dink dit begin nou werk . . . ” Ons was by familie in Randfontein. Ons gasheer sê hy is baie allergies vir besoedelde lug en die stof van ou mynhope. Dit laat hom erg nies en neus blaas. Daar is wel een voordeel: Wanneer Maandag se wasdag aanbreek, sprei hy sy sakdoeke uit en maak die goud daarin bymekaar. So eenmaal 'n maand gaan verkwansel hy die goud dan vir ekstra sakgeld. * * *’n Ander gasheer vertel hy het gehoor 'n boerebraai verloop as volg:Jy kom sesuur by jou gasheer aan met jou biere of wyn of wat ook al, en 'n glasie word geskink. Seweuur bring die gasheer se vrou 'n bakkie tjips en grondboontjies, en verdwyn dan weer. Agtuur begin jy effens honger raak en jy wil nie nog 'n bier drink nie. Negeuur sien die gasheer die tjips is op en vra sy vrou om nog te bring. Tienuur is jy rasend honger maar onderdruk dit met nog grondboontjies. Elfuur vra die gasheer: “Is jy al honger?”Jy glimlag skaam en sê: “Ja, nogal.” Dan draai die gasheer na sy vrou en sê: “Skat, ons gas begin honger word, jong. Sal jy vir ons die vleis uit die vrieskas haal?”

Lag Saam

Kommentaar

Republikein 2025-07-21

Meld asseblief aan om kommentaar te lewer

Lag Saam

Kommentaar

Republikein 2025-07-21

Meld asseblief aan om kommentaar te lewer

MELD AAN

Advertensie