Kortnuus 27 Mei 2021

Kamanjab Aarde skud weer in Kunene 'n Aardbewing van 4,9 op die Richerskaal is Maandag om 10:30 sowat 12 kilometer wes vanaf Kamanjab gemeet. Volgens die ministerie van myne en energie was die bron van die skudding ongeveer 15 km onder die grond. Die aardbewing is deur seismiese stasies in Windhoek, op Kamanjab, Opuwo, Rundu, Katima Mulilo, Karibib en Aus geregistreer. Die 4de April se rekord-aardbewing van 5,6 op die Richerskaal is deur dieselfde sewe stasies waargeneem. Windhoek Sukses sonder 'n silwer lepel Harde werk het van wyle mnr. Matheus Shikongo die leier en sakereus gemaak wat hy geword het.Pres. Hage Geingob het tydens Maandag se gedenkdiens in die parlementstuine gesê die oudburgemeester van Windhoek is nie met 'n silwer lepel in die mond gebore nie. Shikongo se deursettingsvermoë is deur die staatshoof benadruk.Shikongo het sy loopbaan in 1972 as voorman by Meatco begin. – Nampa Opuwo Vyf ding mee in verkiesing Die verkiesingskommissie het vyf kandidate goedgekeur vir die tussenverkiesing wat op 2 Julie in Opuwo se landelike kiesafdeling sal plaasvind.Die kandidate is Hariki Heinze Maundu (Nudo), Western Muharukua (PDM), Kaiho Rikambura (RDP), Kazepanda Tjambiru (Swapo) en Howards Kaihepere van die IPC.Kiesersopvoeding duur voort. Tydens aanvullende registrasie is 1 203 nuwe kiesers geregistreer. – Nampa Katima Mulilo Lig die hoed vir langpadridders 'n Veldtog om padveiligheid te bevorder deur vragmotorbestuurders te bedank, is Vrydag in die Zambezistreek bekendgestel.Die voorsitter van die Nasionale Padveiligheidsraad (NRSC), mnr. Eliphas !Owos-Oab, het gesê Covid-19 het die vervoerbedryf hard getref en meer begrip is vir die bedryf se uitdagings nodig.Vragmotorbestuurders is volgens hom sleutelvennote om padveiligheid in vervoerkorridors te bevorder. – Nampa

Kortnuus 27 Mei 2021

Kommentaar

Republikein 2025-12-19

Meld asseblief aan om kommentaar te lewer

Kortnuus 27 Mei 2021

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.