Kommissie kyk na Covid-toetspryse

Augetto Graig Die Namibiese Kompetisiekommissie ondersoek die samestelling en faktore wat die prys van Covid-19-toetse in Namibië bepaal, het die ontleder mnr. Paulus Hangula gister bevestig. Hy sê die kommissie was reeds in November in kontak met sy eweknie in Suid-Afrika, waar die prys van ’n gewone PCR-toets dié week tot hoogstens N$500 beperk is. Plaaslik wissel toetspryse tussen N$800 en N$1500. Dr. Kalumbi Shangula, minister van gesondheid en maatskaplike dienste, het Dinsdag by ’n nuuskonferensie gesê die buurland se besluit is nie deur die Suid-Afrikaanse regering gemaak nie, maar deur hul kompetisiekommissie en dat Namibië ook so ’n instansie het. “Ek is seker hulle volg die ontwikkelinge en sal binnekort na die kwessie kyk,” het hy gesê.Volgens Hangula het konsultasie met die SA kommissie aangedui hulle het verwag die prys van toetse moes stabiliseer namate vervaardigers en verskaffers sedert laas jaar meer en meer ekonomieë van skaal kon toepas. “Vordering in doeltreffendheid moes die prys afbring.” Suid-Afrika se ondersoek is spoedig afgehandel en hulle het slegs op die PCR-toets gefokus, en nie kitstoetse nie, sê hy.“Ons het ’n soortgelyke ondersoek ingestel en het begin met die proses om by die gesondheidsektor uit te vind oor hoe en waar hulle die toetse bekom. PCR-toetse kom uit Suid-Korea na ’n verskaffer in Suid-Afrika met ’n agent hier in Namibië wat verspreiding doen. Ons neem ook die koste by die bron, asook van invoer na Namibië in ag. “Ons stel die voorsieningsketting vir die antigeentoetse ook vas en weet reeds Suid-Afrika kry syne vanaf Amerika, Suid-Korea, Europa en van twee binnelandse vervaardigers,” sê hy.In hul vergelyking met plaaslike pryse sal die kommissie die beskikbaarheid en doeltreffendheid van gratis toetse gebied deur die regering in ag neem. “Is hulle so wyd versprei soos in die private sektor, of is hulle geïsoleer? Is hulle ’n doeltreffende alternatief tot private toetse? Is daar probleme op spesifieke plekke, waar dalk geen gratis toetse is nie, of waar die diens nie doeltreffend is nie? “Ons is ook ingelig die aantal dae voor mens uitslae by Robert Mugabe-kliniek kry, byvoorbeeld, het sedert laas jaar drasties verminder. Ons probeer verstaan. Ons moet verstaan wat die plaaslike prys bepaal,” sê hy.Hangula sê die kommissie neem ook kennis van inwoners wat op sosiale media kla dat die plaaslike prys te hoog is. Die kommissie is in kontak met Suid-Afrika oor hoe hulle so spoedig kon reageer, en hoe hulle met betrokke verskaffers ooreengekom het. “Ons wil so gou as moontlik weet en doen ons bes om minstens voor die jaareinde die inligting te kry,” sê hy. – augetto@republikein.com.na

Kommissie kyk na Covid-toetspryse

Kommentaar

Republikein 2026-02-25

Meld asseblief aan om kommentaar te lewer

Kommissie kyk na Covid-toetspryse

Kommentaar

Republikein 2026-02-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.