Klassieke klanke die naweek in Windhoek

Die Namibiese komponiste Eslon Hindundu, Osmond Oweseb, Linnette Muramba, Himeetjua Kajau en Engelhardt Uneab, saam met die Vox Vitae Singers, span saam om die Omuzimbi Mo uumwe-konsert vanaand en môreaand by die NG Kerk in Pionierspark aan te bied. Omuzimbi Mo uumwe, wat vertaal kan word as “musiek in eenheid”, is 'n Namibiese klassieke kontemporêre en volkskoorkonsert wat beoog om Namibiese komposisies te bevorder. Die konsert, wat deur Bank Windhoek geborg word, sal oor twee rondes plaasvind. Die eerste helfte sal bestaan uit ’n orkes met 'n koor wat saamgestel is deur Hindundu en Oweseb. Die tweede helfte fokus hoofsaaklik op Namibiese kontemporêre en volkskoormusiek, geskryf deur Muramba, Kajau, Oweseb en Uneab."As 'n advokaat vir positiewe verandering én as 'n Namibiese handelsmerk, is ons opgewonde om die Omuzimbi Mo uumwe-konsert te ondersteun. Die geleentheid skep ’n platform vir Namibiese komponiste om hul talente ten toon te stel," het Bank Windhoek se hoof van korporatiewe maatskaplike beleggings, borgskappe en geleenthede, me. Bronwyn Moody, gesê.Kaartjies vir die konsert is op WebTickets teen N$100 beskikbaar. Indien jy nie die geleentheid kan bywoon nie, kan jy na die regstreekse uitsending kyk vir N$80. Vir meer inligting, kontak 081 252 4947 of 085 737 9201. Weens Covid-regulasies is ’n beperkte aantal sitplekke beskikbaar. Die konsert begin om 18:00.

Klassieke klanke die naweek in Windhoek

Kommentaar

Republikein 2025-12-17

Meld asseblief aan om kommentaar te lewer

Klassieke klanke die naweek in Windhoek

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.