Hai//Om betoog teen wanbestuur

Ester Kamati op Outjo – Lede van die Hai//Om-gemeenskap van vyf streke in die land het Maandag ’n vreedsame optog op Outjo gehou en eis die afdanking van die huidige tradisionele owerheid, en die kop van hoofman David Khamuxab.Khamuxab, wat sedert Julie 2004 die hoofman is, word in die klagskrif daarvan beskuldig dat hy nie deursigtig was met die aanstelling van die tradisionele owerheid nie en die nodige prosesse nie tydens sy nominasie en verkiesing gevolg is nie. Die betogers bevraagteken ook die aankoop van voertuie met geld van die Hai//Om se gemeenskapstrustfonds. Khamuxab het die aankoop van sewe voertuie bevestig, maar gesê dit is vir die tradisionele owerheid se gebruik.“Die hoofman bevorder nie vrede en welsyn onder die gemeenskap nie,” lui die klagskrif.Die klagskrif beweer die tradisionele owerheid bestaan slegs uit Khamuxab se naaste familielede, maar hy ontken die bewering. Volgens Khamuxab is hy nie familie van al die lede nie en is daar van sy familielede aan die voorpunt van die betoging.REAKSIEDie tradisionele owerheid sê hulle hanteer net tradisionele sake en bemoei hulle nie met politiek nie. Hulle glo die betoging is polities gemotiveerd en bring volgens hulle verdeeldheid onder die volk. Hulle sê die prosedures vir die aanstelling van 'n tradisionele owerheid is kultureel gemotiveerd en verskil van politieke prosedures.Hulle benadruk die tradisionele owerheid word deur gewoontereg gelei, en dit gee 'n koningshuis die mandaat om leierskapsake te hanteer.Die klagskrif beweer Khamuxab het hulpbronne misbruik wat bestem was om die gemeenskap te bevorder en dat die gemeenskap geen ouditverslae ontvang nie. Khamuxab het hierdie bewerings ontken. Volgens hom is daar 'n raad en 'n komitee wat die finansies hanteer, en wanneer geld ontvang word, word dit verdeel volgens die resolusies wat deur die tradisionele owerheid opgestel is.Die beampte van beheeradministrasie by die kantoor van die Outjo-kiesafdeling, mnr. Helmut Fillemon, het die klagskrif in ontvangs geneem en hy het betogers verseker dit sal die betrokke belanghebbendes bereik. Die klagskrif is aan die minister van stedelike en landelike ontwikkeling gerig.Die voorsitter van die gemeenskap en die woordvoerder van die groep, mnr. Leon Aib, het die klagskrif voorgelees. – republikein@republikein.com.na

Hai//Om betoog teen wanbestuur

Kommentaar

Republikein 2026-07-01

Meld asseblief aan om kommentaar te lewer

Hai//Om betoog teen wanbestuur

Kommentaar

Republikein 2026-07-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.