Grootfontein besorg oor minderbevoorregtes

Kristien Kruger – Die gemeenskap van Grootfontein het hul misnoeë met die munisipale raad uitgespreek en dring in ’n klagskrif aan die raad moet ontbind.Hulle het op Dinsdag 7 Julie omstreeks 12:00 die klagskrif aan die munisipaliteit oorhandig. “As ons versoek nie toegestaan word nie, het ons geen keuse as om die deure van dié munisipaliteit toe te maak nie,” waarsku die klagskrif.Die gemeenskap is glo ontsteld omdat die munisipaliteit nie genoeg behuising aan haweloses in Grootfontein voorsien nie en die fasiliteite by die bestaande informele nedersettings nie voldoende is nie.In die klagskrif word daar spesifiek na die omstandighede by die Blikkiesdorp- informele nedersetting verwys.“In sommige gevalle woon 17 mense op een erf. Die gemeenskap van Blikkiesdorp kla dat hulle, in die koue en die reën, die bosse moet gebruik, omdat die twee toilette wat daar is ’n geruime tyd buite werking is.”Die gemeenskap is glo ontsteld oor uitbreidings 6, 7 en 8 in Omulunga wat blykbaar vyf jaar gelede aan ’n openbare-privaat-vennootskap oorhandig is, maar intussen het nog geen ontwikkelings plaasgevind nie. Die klagskrif versoek die planne vir dié uitbreidings word bekend gemaak.Volgens die klagskrif is die gemeenskap veral bekommerd oor die Covid-19-uitbreking en voel glo die munisipaliteit doen nie genoeg om hulle teen die virus te beskerm nie.“Die raad is nie ernstig genoeg om Covid-19 doeltreffende te bekamp nie, want meeste haweloses woon steeds in haglike omstandighede, sonder toegang tot water, kos of higiëniese geriewe,” lui die klagskrif.Die gemeenskap eis nie net die ontbinding van die raad nie. Volgens die klagskrif wil die groep ook hê die munisipaliteit moet grond vir behuising aan hulle gee anders sal hulle sonder toestemming die grond beset.Volgens die aktivis mnr. Mortis Gaingob het die uitvoerende hoof van Grootfontein se munisipaliteit geweier om die klagskrif in ontvangs te neem en het dit aan die burgemeester, mnr. Absai Haimene, oorhandig. – kristien@republikein.com.na

Grootfontein besorg oor minderbevoorregtes

Kommentaar

Republikein 2026-07-23

Meld asseblief aan om kommentaar te lewer

Grootfontein besorg oor minderbevoorregtes

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.