Grappies

Ons verneem Nigerië gaan nou sy eie Covid-entstof vervaardig. Dit is 'n geweldige wetenskaplike deurbraak: Jy hoef nie fisiek iewers heen te gaan nie: jy ontvang die inenting virtueel. Al wat jy hoef te doen is om jou bankrekeningnommer en PIN te stuur, en jy is ingeënt!



* * *



Van HermanH:



By die firma se waterkoeler spog ek oor my kinders se wêreldreise: een seun het in Bolivië skoolgehou, 'n ander werk in Suid-Italië en my dogter het 'n jaar lange navorsingsprojek in Indië voltooi.

Die kwinkslag van 'n medewerker: “Wat doen jy dat jou kinders so ver van jou probeer wegkom?”



* * *



Gesien op Facebook:



* Ek mis daardie kinders wat saam met my gebore is in die hospitaal! Sjoe, ons het gehuil daardie dag!!



*Ek het 'n vals Facebook-rekening oopgemaak en met my vrou begin chat. Daarvolgens is sy 'n weduwee, en ek is vier jaar gelede dood.





* * *



Polities korrekte maniere om oor die skoner geslag te praat:



* Sy is nie 'n kermkous nie – sy is vokaal aktief.

* Sy is nie “gesuip” nie - sy is “chemies onafgerond”.

* Sy het nie plastiese sjirurgie of 'n hysbakkies gehad nie – sy is medies verbeter.

~~~~~~~~~~~~~~~~