Grappies

Van KoosS, uit Lag sonder grense deur Ian Wessels:

* “'Hoekom sê u dat u besonder geskik is vir die pos van nagwag?”
“Ek word wakker van die geringste geluidjie.”

* My vrou se kookkuns is aan die verbeter. Die rook wat uit die kombuis kom, is nie meer heeltemal so swart soos voorheen nie.

* Speurder: “Meneer, waar was u tussen vier en vyf?”
Verdagte: “In die kleuterskool! En ek kan dit bewys!”

~~~~~~~~~~~~~~~~~~

Van HermanH, uit Laffaday:

Ek hou daarvan om daardie adviesrubriek in die tydskrif te lees. Een is waar die persoon vra: “Wat is die ergste ding wat 'n vrou op haar 20ste huweliksherdenking kan kry?” Die raadgewer antwoord: “Oggendnaarheid.”

* * *

Die ou kuier skelm by sy vriend se vrou toe haar selfoon lui. “Wie was dit?” vra die ou.
“My man,” antwoord sy.
“Dan beter ek koers kry,” sê die ou. “Waar was hy toe hy gebel het?”
“Jy kan ontspan,” sê die vrou. “Hy's in die stad, besig om saam met jou snoeker te speel.”

~~~~~~~~~~~~~~~~

Uit ons argief van Januarie 2012:

Aan my vertel: Die toeris loop in Kaapstad se middestad rond en gaan staan voor die standbeeld van Maria van Riebeeck, wat hy lank bekyk. Dis toe dat hy die Kaapse stem langs hom hoor: “Djy kyk verniet. Sy's Jan se vrou...”

~~~~~~~~~~~~~~~~