Gideon lei voor
Bergfietsry
Tielman van Lill
Teen Vrydag sal Gideon Nasilowski (35) se senuwees saam met al die ander deelnemers aan flarde wees voor die wegspring van die 2020 Nedbank Desert Dash-bergfietsmarathon vanaf Windhoek na Swakopmund.
Die gestremde Nasilowski, sedert sy swemloopbaan ook bekend as die Namibian Amphibian, takel die 373 km Dash op sy neongroen driewiel-“amfimobiel” in 'n viermanspan.
Hy is gemotiveerd om op dié wyse die fisieke en sielkundige grense vir gestremde mense te verskuif en ook geld vir gestremde atlete in te samel.
Nasilowski glo niks is onmoontlik of buite bereik van gestremdes nie. Hy wil in Februarie vanaf Robbeneiland na Bloubergstrand vir dieselfde redes swem om geld vir die Namibiese Paralimpiese atlete in te samel, wat volgende jaar in Tokio, Japan, aan die Paralimpiese Spele deelneem.
Die krieketspeler Dickson Vambe, Robert Groenewald en Dave Hammond sal Vrydag saam met die Amphibian vir die uitmergelende Dash wegspring.
Nasilowski het 'n paar maande gelede as 'n proeflopie aan die Mabaruli Safari-bergfietsmarathon vanaf Windhoek na Solitaire deelgeneem.
Die nimlike Nasilowski is al vir etlike maande kliphard aan die oefen. Behalwe dat hy die eerste skof tot by die eerste kontrolepunt bo op die Kupferberg gery het, het hy verlede naweek die laaste skof vanaf Goanikontes na Swakopmund gepak en in die proses 100 km afgelê.
“Ek sien my gestremdheid as 'n geleentheid. Ek is nog nie waar ek met my fiksheid en peil wil wees nie, maar ek werk hard daaraan,” het hy tevore aan Republikein vertel.
“Ek het wel vier jaar gelede as swemmer uitgetree en neem nie meer aan kompetisies deel nie, maar dit is nie te sê ek moet gevoude arms by die huis sit en niks doen nie. Daardie kans gaan ek nie vat nie.
“Namibië se Paralimpiese span neem in Augustus en September volgende jaar in Tokio deel en hulle het geld nodig. Die kanse is uitstekend dat hulle meer as een goue medalje huis toe kan bring. Daarom help ek en gaan nie wag dat iemand anders die inisiatief neem nie.
“Ons bedank graag vir Nedbank Namibia vir hul ondersteuning en Mannie's Bike Mecca wat my 'amfimobiel' in 'n regte grondpadvreter omskep het.”– [email protected]
Teen Vrydag sal Gideon Nasilowski (35) se senuwees saam met al die ander deelnemers aan flarde wees voor die wegspring van die 2020 Nedbank Desert Dash-bergfietsmarathon vanaf Windhoek na Swakopmund.
Die gestremde Nasilowski, sedert sy swemloopbaan ook bekend as die Namibian Amphibian, takel die 373 km Dash op sy neongroen driewiel-“amfimobiel” in 'n viermanspan.
Hy is gemotiveerd om op dié wyse die fisieke en sielkundige grense vir gestremde mense te verskuif en ook geld vir gestremde atlete in te samel.
Nasilowski glo niks is onmoontlik of buite bereik van gestremdes nie. Hy wil in Februarie vanaf Robbeneiland na Bloubergstrand vir dieselfde redes swem om geld vir die Namibiese Paralimpiese atlete in te samel, wat volgende jaar in Tokio, Japan, aan die Paralimpiese Spele deelneem.
Die krieketspeler Dickson Vambe, Robert Groenewald en Dave Hammond sal Vrydag saam met die Amphibian vir die uitmergelende Dash wegspring.
Nasilowski het 'n paar maande gelede as 'n proeflopie aan die Mabaruli Safari-bergfietsmarathon vanaf Windhoek na Solitaire deelgeneem.
Die nimlike Nasilowski is al vir etlike maande kliphard aan die oefen. Behalwe dat hy die eerste skof tot by die eerste kontrolepunt bo op die Kupferberg gery het, het hy verlede naweek die laaste skof vanaf Goanikontes na Swakopmund gepak en in die proses 100 km afgelê.
“Ek sien my gestremdheid as 'n geleentheid. Ek is nog nie waar ek met my fiksheid en peil wil wees nie, maar ek werk hard daaraan,” het hy tevore aan Republikein vertel.
“Ek het wel vier jaar gelede as swemmer uitgetree en neem nie meer aan kompetisies deel nie, maar dit is nie te sê ek moet gevoude arms by die huis sit en niks doen nie. Daardie kans gaan ek nie vat nie.
“Namibië se Paralimpiese span neem in Augustus en September volgende jaar in Tokio deel en hulle het geld nodig. Die kanse is uitstekend dat hulle meer as een goue medalje huis toe kan bring. Daarom help ek en gaan nie wag dat iemand anders die inisiatief neem nie.
“Ons bedank graag vir Nedbank Namibia vir hul ondersteuning en Mannie's Bike Mecca wat my 'amfimobiel' in 'n regte grondpadvreter omskep het.”– [email protected]
Kommentaar
Republikein
Geen kommentaar is op hierdie artikel gelaat nie