Geen gratis Covid-19-toetse meer vir Namibiërs wat begrafnisse buite die land bywoon nie

Die ministerie van gesondheid en maatskaplike dienste sê geen gratis toetse vir Covid-19 sal vir meer vir individue gedoen word wat begrafnisse buite die land bywoon nie.

Studente wat in die buiteland studeer, is egter steeds vrygestel van die betaling vir Covid-19-toetse by enige van die tien laboratoriums wat hiervoor toets. Hulle moet egter voldoende kan bewys lewer van hul status as studente. Laasgenoemde moet by die ministerie se hoofkantoor in Harveystraat in Windhoek ingedien word om 'n goedkeuringsbrief vir toetsing te ontvang.