Geen fosfaatontginning sonder klaring
Regter Harald Geier het gister in die guns van die visbedryf teen NMP se Sandpiper-projek beslis.
Augetto Graig
Regter Harald Geier het sy lang gewagte hofuitspraak oor ondersese fosfaatmynbou in Namibië gelewer.
Die Konfederasie van die Namibiese Visseryevereniging, die Namibiese Stokvisvereniging, die Midwater-treilvisseryevereniging en Omuala Fishing het ’n regsgeding in November 2016 teen Namibia Marine Phosphate (NMP) aanhangig gemaak. Hulle wou keer dat fosfaatmynbou in Namibiese waters voortgaan.
NMP se beplande Sandpiper-projek vir fosfaatmynbou op die seebodem naby Walvisbaai is gister ’n nekslag toegedien nadat die hoërhof beslis het geen aktiwiteite mag sonder ’n omgewingsklaringsertifikaat (ECC) geskied nie.
Geier het dié bevel uitgereik in 'n saak waarin die wettigheid van 'n omgewingsklaringsertifikaat wat die maatskappy bekom het, nadat dit in Julie 2011 'n mynlisensie gekry het, bevraagteken is.
Geier het bevind verteenwoordigers van die visbedryf het die reg om die aansoek te bring, en die kwessie gevolge dra vir die Namibiese mariene omgewing wat deur die Grondwet beskerm word.
Hy sê NMP het op die laaste moontlike dag, ses maande ná hul mynlisensie uitgereik is, net ’n voorlopige omgewingsbestuursplan ingedien, terwyl ’n finale verslag ’n voorwaarde van die lisensie is.
Fosfaatmynbou op die seebodem is ’n aktiwiteit gelys in artikel 57 van die omgewingsbestuurwet en kan nie sonder omgewingsklaring gedoen word nie, volgens die regter.
Geier het belangrike datums in die beslissing uiteengesit; vanaf 2010 toe NMP omgewingskenners aangestel het om met die omgewingsimpakstudie te begin, 2011 toe die mynlisensie op 13 Julie uitgereik is en met die omgewingsbestuursplan begin is, en 2012 toe die konsepbestuursplan ingedien is.
Die omgewingsbestuurswet wat in Februarie 2021 in werking getree het en in April 2012 toe die finale bestuursplan ingedien is. In opdrag van die omgewingskommissaris is met die visseryeministerie en visbedryf daaroor beraadslaag. Op 10 September 2013 het die kabinet ’n 18 maande verbod op die uitreik van omgewingsklaring vir dié projek aangekondig.
Ná die verbod in Maart 2015 tot ’n einde gekom het, wou NMP navorsing gebruik om belanghebbers se ondersteuning vir die projek te bekom, maar die ministerie van visserye en mariene hulpbronne was gekant teen die toekenning van ’n omgewingsklaringsertifikaat.
Die omgewingskommissaris het steeds in September 2016 ’n EEC uitgereik, wat later weer opgeskort is, en op 1 November is die aansoek teen NMP ingedien.
Met sy beslissing dat NMP nie met fosfaatmynbou op die seebodem sonder ’n geldige omgewingsklaringsertifikaat kan voortgaan nie, is die hofsaak afgehandel wat amper vyf jaar die ontwikkeling van die projek vertraag het. - [email protected]
Regter Harald Geier het sy lang gewagte hofuitspraak oor ondersese fosfaatmynbou in Namibië gelewer.
Die Konfederasie van die Namibiese Visseryevereniging, die Namibiese Stokvisvereniging, die Midwater-treilvisseryevereniging en Omuala Fishing het ’n regsgeding in November 2016 teen Namibia Marine Phosphate (NMP) aanhangig gemaak. Hulle wou keer dat fosfaatmynbou in Namibiese waters voortgaan.
NMP se beplande Sandpiper-projek vir fosfaatmynbou op die seebodem naby Walvisbaai is gister ’n nekslag toegedien nadat die hoërhof beslis het geen aktiwiteite mag sonder ’n omgewingsklaringsertifikaat (ECC) geskied nie.
Geier het dié bevel uitgereik in 'n saak waarin die wettigheid van 'n omgewingsklaringsertifikaat wat die maatskappy bekom het, nadat dit in Julie 2011 'n mynlisensie gekry het, bevraagteken is.
Geier het bevind verteenwoordigers van die visbedryf het die reg om die aansoek te bring, en die kwessie gevolge dra vir die Namibiese mariene omgewing wat deur die Grondwet beskerm word.
Hy sê NMP het op die laaste moontlike dag, ses maande ná hul mynlisensie uitgereik is, net ’n voorlopige omgewingsbestuursplan ingedien, terwyl ’n finale verslag ’n voorwaarde van die lisensie is.
Fosfaatmynbou op die seebodem is ’n aktiwiteit gelys in artikel 57 van die omgewingsbestuurwet en kan nie sonder omgewingsklaring gedoen word nie, volgens die regter.
Geier het belangrike datums in die beslissing uiteengesit; vanaf 2010 toe NMP omgewingskenners aangestel het om met die omgewingsimpakstudie te begin, 2011 toe die mynlisensie op 13 Julie uitgereik is en met die omgewingsbestuursplan begin is, en 2012 toe die konsepbestuursplan ingedien is.
Die omgewingsbestuurswet wat in Februarie 2021 in werking getree het en in April 2012 toe die finale bestuursplan ingedien is. In opdrag van die omgewingskommissaris is met die visseryeministerie en visbedryf daaroor beraadslaag. Op 10 September 2013 het die kabinet ’n 18 maande verbod op die uitreik van omgewingsklaring vir dié projek aangekondig.
Ná die verbod in Maart 2015 tot ’n einde gekom het, wou NMP navorsing gebruik om belanghebbers se ondersteuning vir die projek te bekom, maar die ministerie van visserye en mariene hulpbronne was gekant teen die toekenning van ’n omgewingsklaringsertifikaat.
Die omgewingskommissaris het steeds in September 2016 ’n EEC uitgereik, wat later weer opgeskort is, en op 1 November is die aansoek teen NMP ingedien.
Met sy beslissing dat NMP nie met fosfaatmynbou op die seebodem sonder ’n geldige omgewingsklaringsertifikaat kan voortgaan nie, is die hofsaak afgehandel wat amper vyf jaar die ontwikkeling van die projek vertraag het. - [email protected]
Kommentaar
Republikein
Geen kommentaar is op hierdie artikel gelaat nie