Binnenshuise bespuitings-veldtog teen malaria skop af

Die ministerie van gesondheid en maatskaplike dienste se binnenshuise bespuitings(IRS)-veldtog teen malaria het in 21 geteikende distrikte in die land afgeskop waar die siekte endemies is. Dit vorm deel van drie ingrypings om die siekte hok te slaan wat verlede jaar die lewens van meer as 40 mense geëis het. Die veldtog teiken teëlgebiede van muskiete, bespuiting en die verspreiding van nette wat in insekdoder gedoop is. Die veldtog duur tot Desember in nege streke naamlik Ohangwena, Oshikoto, Kavango-Oos, Kavango-Wes, Otjozondjupa, Omusati, Kunene, Oshana en Zambezi.