Beskerm jouself en diegene om jou

Adolf KaureEk het onlangs my eerste dosis Covid-entstof gekry. As ’n mediapraktisyn wat in aanraking kom met baie mense en in verskillende gemeenskappe moet rondbeweeg om op hoogte van die nuus te bly, het ek gevoel dit is belangrik om dit te doen. Ek het dit nie gedoen omdat iemand my gedwing het nie, ek het gevoel dit is in my beste belang, want dit was mý keuse. Ek het dit ook nie net gedoen om myself te beskerm nie, maar ook dié rondom my, my vrou en drie kinders ingesluit. ’n Week ná my eerste inspuiting het ek net ligte newe-effekte ervaar, niks ernstig nie. Die plek op my arm waar ek ingespuit is, was effens seer. 'n Ligte hoofpyn in die eerste twee dae en ’n effense moegheid op die eerste dag. Dit is egter alles normale newe-effekte van die Sinopharm-entstof. Voordat ek ingeënt is, het ek my dokter geraadpleeg en hom gevra of dit die regte ding is om te doen, en hy het my die groen lig gegee.Ek wag in spanning om binne die volgende paar weke my tweede dosis entstof te ontvang, sodat ek volledig ingeënt kan wees.Ek het dié kort storie met 'n doel gedeel, en dít is om nie net die belangrikheid van die inenting tuis te bring nie, maar ook om diegene wat dit alreeds ontvang het, aan te raai om versigtig te bly.As jy na die statistieke kyk, blyk duidelik te wees dat die meerderheid mense wat aan Covid-19 oorlede is, nie ingeënt is nie.Ek wil graag almal wat hierdie lees, uitdaag om dié week se Covid-19-syfers wat daagliks deur die minister van gesondheid en maatskaplike dienste, dr. Kalumbi Shangula, bekend gemaak word, te bestudeer. Jy sal oplet dat diegene onder die Covid-sterftes, op die meeste dae, glad nie ingeënt is nie. Op sommige dae word net tot 5% ingeënt, en ek wil nie paniek saai nie, maar as jy jou gesonde verstand gebruik en jou lewe en diegene rondom jou liefhet, behoort dit genoeg motivering te wees om “ja” te sê vir die entstof.Ek wil ook die mense wat reeds ingeënt is, versoek om steeds die voorkomende maatreëls te gehoorsaam. Hou aan om maskers te dra, was die maskers gereeld en maak seker jy het ten minste vyf – een vir elke dag. Die aanbevole masker is die N95-masker. Sommige maskers keer net stof en nie die virus nie, so gebruik ook jou gesonde verstand in dié verband. Was jou hande gereeld, veral voordat jy eet. Gebruik gereeld handreiniger en behou jou sosiale afstand. Ja, dit het nou 'n ou gesang geword wat ons elke dag hoor en so hardkoppig soos wat mense kan wees, doen ons altyd die teenoorgestelde wanneer ons teen iets gewaarsku word, veral as dit ons beter pas.Vir diegene wat inligting wat nie nagegaan is oor Covid-19 en die entstof versprei: laat dit asseblief aan die kundiges oor. Hierdie kundiges betaal baie om in dié rigtings te studeer en te gekwalifiseer en betroubaar genoeg te wees om die ware boodskap oor te dra. Vir diegene wat die mites en samesweringsteorieë oor die entstof en virus glo – gebruik asseblief jou gesonde verstand, want jy het net hierdie een leeftyd.

Beskerm jouself en diegene om jou

Kommentaar

Republikein 2025-12-16

Meld asseblief aan om kommentaar te lewer

Beskerm jouself en diegene om jou

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.