Bek-en-klouseer: 189 gevalle in Zambezi

Kenya Kambowe op Rundu – Onder die meer as 41 000 beeste in die gebied wat tans geraak word deur die onlangse uitbreking van bek-en-klouseer, is 189 gevalle in die Zambezistreek bevestig.Dít is Maandag bevestig deur dr. Albertina Shilongo, hoof-veeartsenybeampte in die direktoraat veeartsenydienste (DVS) in die landbouministerie, wat bykomende inligting verskaf het oor die ministerie se pogings om dié uitbreking hok te slaan.Die uitbreking is op 3 Junie op die dorpie Kasenu in die Kasiku-gebied waargeneem, en volgens Shilongo het die siekte versprei na Mashika, 'n dorpie 3 km van Kasenu geleë.Shilongo het gesê van die 600 beeste uit ses krale op Kasenu, het 181 positief vir die siekte getoets, tesame met agt beeste op Mashika.INENTINGSShilongo het gesê om dié kwessie die hoof te bied, het die ministerie 'n inentingsveldtog van stapel gestuur waar 40 281 beeste in die betrokke gebied ingeënt is.Die totale beesbevolking in die gebied is 41 066.“Ons het begin met intensiewe waarneming sodat ons die omvang van die uitbreking kan bepaal,” het sy gesê.“Ons is besig om die beeste in die betrokke gebiede, asook in die hele Zambezistreek, in te ent as deel van die jaarlikse inentingsveldtog.”Shilongo het gesê hulle het egter 'n paar uitdagings ervaar om by dié gebiede uit te kom, aangesien die gebied 'n vloedvlakte is en hulle van snelbote gebruik moes maak.VERBOD'n Verbod is op die beweging van alle lewende hawe met gesplete hoewe uit en deur die gebied ingestel. Die beweging van vee met gesplete hoewe in, binne en deur die res van die Zambezistreek word steeds toegelaat, met die uitsondering van die siektebestuursgebied (DMA). Dieselfde geld vir ander kommoditeite.Die beweging van rou vleis, rou melk en veevoer word wel binne die gebied toegelaat.Die onlangse uitbreking volg net meer as 'n maand nadat Namibië in April die beperkings op die vervoer en beweging van diere met gesplete hoewe en hul produkte in die DMA opgehef het.Sedert September verlede jaar is nege kiesafdelings deur bek-en-klouseer getref. – republikein@republikein.com.na

Bek-en-klouseer: 189 gevalle in Zambezi

Kommentaar

Republikein 2025-12-18

Meld asseblief aan om kommentaar te lewer

Bek-en-klouseer: 189 gevalle in Zambezi

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.