Alle Covidshield/AstraZeneca-entstowwe in Namibië is veilig

Die ministerie van gesondheid en maatskaplike dienste sê 'n mediese produk-waarskuwing deur die Wêreldgesondheidsorganisasie (WHO) oor vervalste Covishield/AstraZeneca-entstowwe in sommige Afrika- en Suid-Asiese lande het nie betrekking op Namibië nie. Volgens 'n verklaring deur die ministerie hou die verwante voorraadnommers nie verband met enige van dié entstowwe wat na Namibië ingevoer is nie. Die ministerie beklemtoon alle Covid-enstowwe wat die land ingebring word, word deur die ministerie en regulerende owerhede streng gekontroleer om te verseker dat dit veilig is.