All Blacks, Wallabies kies span

Die All Blacks se afrigter, Ian Foster, het Richie Mo’unga en Beauden Barrett onderskeidelik op losskakel en heelagter behou vir sy eerste toets aan die stuur.Nieu-Seeland pak Australië Sondag in ’n Bledisloebeker-wedstryd in Wellington.Barrett se jonger broer Jordie draf op regtervleuel uit, George Bridge dra die nr. 11-trui en Jack Goodhue en Rieko Ioane speel as die senters.Die skrumskakel Aaron Smith is Mo’unga se skakelmaat.Foster, wat ná verlede jaar se Wêreldbekertoernooi die leisels by Steve Hansen geneem het, het drie groentjies op die plaasvervangersbank gekies.Tupou Vaa’i, die 20-jarige Taranaki-slot, Hoskins Sotutu (losvoorspeler) en Caleb Clarke (buiteagterspeler) bied impak van die bank af.Voorlangs sak die ervare stutte Joe Moody en Ofa Tuungafasi saam met die haker Codie Taylor in die voorry.Sam Whitelock en Patrick Tuipulotu speel slot, met Sam Cane (kaptein) en Shannon Frizell op flank en Ardie Savea die agtsteman.• Die Wallabies se afrigter, Dave Rennie, het die versoeking weerstaan om die opwindende groentjie Noah Lolesio as losskakel in sy beginspan te kies.James O’Connor sal die nr. 10-trui dra – sy eerste begintoets in daardie posisie sedert 2013.Lolesio sal sy debuut van die bank af maak, terwyl sy mede-groentjies Filipo Daugunu (vleuel), Hunter Paisami (senter) Harry Wilson (losvoorspeler) almal in die beginspan ingesluit is.Die span se kaptein, Michael Hooper, word die 12de Wallaby om in 100 toetse vir die Aussies uit te draf.Die Wallabies is vir die afgelope twee weke in isolasie in Christchurch en reis Saterdag na Wellington vir die toets.Die Bledisloebeker word jaarliks tussen Australië en Nieu-Seeland beslis en dit is die afgelope 18 jaar in die All Blacks se besit.• Spanne:ALL BLACKS: Beauden Barrett, Jordie Barrett, Rieko Ioane, Jack Goodhue, George Bridge, Richie Mo’unga, Aaron Smith, Ardie Savea, Sam Cane (k), Shannon Frizell, Sam Whitelock, Patrick Tuipulotu, Ofa Tuungafasi, Codie Taylor, Joe Moody.Reserwes: Dane Coles, Karl Tu’inukuafe, Nepo Laulala, Tupou Vaa’i, Hoskins Sotutu, TJ Perenara, Anton Lienert-Brown, Caleb Clarke.WALLABIES: Tom Banks, Filipo Daugunu, Hunter Paisami, Matt To’omua, Marika Koroibete, James O’Connor, Nic White, Harry Wilson, Michael Hooper (k), Pete Samu, Matt Philip, Lukhan Salakaia-Loto, Taniela Tupou, Folau Fainga’a, James Slipper. Reserwes: Jordan Uelese, Scott Sio, Allan Alaalatoa, Rob Simmons, Rob Valetini, Jake Gordon Noah Lolesio, Reece Hodge. – Netwerk24FOTO’SJordie Barrett speel Sondag regtervleuel vir die All Blacks. Foto Getty Images

All Blacks, Wallabies kies span

Kommentaar

Republikein 2025-12-18

Meld asseblief aan om kommentaar te lewer

All Blacks, Wallabies kies span

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.