55 nuwe Covid-19-gevalle bring totaal op 593

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land aangeteken. Dit bring dit totaal op 593 te staan. Twee van die gevalle is buitelanders op 'n vaartuig. Volgens Shangula is 53 van die gevalle van Walvisbaai en twee van Windhoek. Uit die 53 gevalle in Walvisbaai is 43 deel van 'n bemanning waar drie reeds vroeër positief getoets het. Uit die twee gevalle in Windhoek is een op 19 Junie uit Walvisbaai na die hoofstad vir mediese redes verwys en in die Windhoek Sentrale Hospitaal opgeneem. Die ander geval in Windhoek is 'n kontak van 'n positiewe geval.Volgens Shangula is 48 van vandag se gevalle mans en sewe vroue. Die jongste is twee jaar oud en die oudste 60 jaar oud. 'n Namibiese vragmotorbestuurder is in Botswana onderweg na Suid-Afrika positief vir Covid-19 getoets. Hy is met sy terugkeer na Namibië in isolasiegeriewe in Gobabis geplaas. Omdat hy in die buurland getoets is, val hy onder dié land se gevalle.Met verwysing na die pasgebore wat positief getoets het, geval 362, sê Shangula twee opvolgtoetse 24 uur en 72 uur na sy geboorte het gewys die baba is negatief vir Covid-19. Volgens Shangula beteken dit die aanvanklike uitslag was as gevolg van besmetting van die ma wat Covid-19-positief is.Tot op hede is 12 163 weefselmonsters getoets en is 860 mense tans in kwarantyngeriewe.

55 nuwe Covid-19-gevalle bring totaal op 593

Kommentaar

Republikein 2026-07-23

Meld asseblief aan om kommentaar te lewer

55 nuwe Covid-19-gevalle bring totaal op 593

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.