14 sterftes, 515 nuwe gevalle

Die Covid-sterftes skiet met 14 - drie in Windhoek, vyf in Keetmanshoop, twee in Otjiwarongo en een elk in onderskeidelik Okakarara, Onandjokwe, Outapi en Karasburg - op tot 890. Vandag is 515 nuwe gevalle aangeteken waarvan 71% in Windhoek is. Uit die nuwe gevalle is 44 leerlinge, 26 gesondheidswerkers, 17 onderwysers en 11 studente. Die aktiewe gevalle staan tans op 6 599 waarvan 345 in die hospitaal en 72 in die ICU is. Tot op hede het 52 769 gevalle herstel en is 80 193 mense teen Covid-19 ingeënt.

Tans is 1 882 mense in kwarantyn en word 3 636 kontakte gemonitor.